Psalms 132:17 - Bible Ni Thothup

¹⁷ U roy e bay gu gagiyegnag reb i owchen David riy nge mang reb e pilung ni ba ga’; u roy e bay gu tay riy nge par nib mudugil e gagiyeg ni nge tay e en ni kug turguy ni nge mang pilung.

Psalms 132:17 Σταυροειδείς Αναφορές

1 Kings 11:36

Bay gu pag ta’reb e ganong nge par u pa’ fak Solomon, ya gubin ngiyal’ ni ngi i par reb i owchen e tapigpig rog i David ni be gagiyeg u Jerusalem, ni fare binaw ni ku gu turguy ni ir e ngu’un liyor ngog riy.

1 Kings 15:4

Machane bochan David me pi’ SOMOL ni Got rok fak Abijah nib pagel ni nge gagiyeg nga tomuren u lan yu Jerusalem mi i ayweg yu Jerusalem ndabi buch ban’en riy.

2 Kings 8:19

machane de fel’ u wan’ SOMOL ni nge gathey yu Judah, ni bochan e ke micheg ngak e tapigpig rok i David ni pi’in owchen e gubin ngiyal’ ni yad e bay u ra gagiyeggad.

2 Kronicles 21:7

machane de m’agan’ SOMOL ngay ni nge thirif u but’ e pi’in owchen David, ni bochan e ke ngongliy ba m’ag u thilrow David nike micheg ngak ni pi’in owchen e bay ur gagiyeggad ni gubin ngiyal’.

Psalms 148:14

I ir e be gagiyegnag e birok e nam be par nib gel, ya nge urngin e tirok e girdi’ miyad pining e sorok ngak, ni piyu Israel, nri yad ba t’uf rok! Ngu’un pining e sorok ngak SOMOL!

Psalms 89:25

Bay gu ga’nag e gin nge gagiyeg riy ni tabab ko day’ ni Mediterranean nge yan i thang ko lul’ ni Eufrates.

Psalms 92:10

Ka mu gel nigeg kug bod feni gel ba garbaw ni malboch; ma ka mu tow’ath nigeg ko felfelan’.

Ezekiel 29:21

“Ezekiel, nap’an nra waer yu Egypt, mug gelnag e girdi’ nu Israel, ma bay gu pi’ gelngim ni nge yag ni mu non ngorad. Ma aram e bay ra nanged ni Gag fare SOMOL.”

Luke 1:69

Ya ke pi’ be’ ke yib nib gel gelngin nrayag rok ni nge thapegdad ngak Got, ni be’ ni ir reb i owchen David ni tapigpig rok.

1 Samuel 2:10

Pi to’ogor rok SOMOL e bay ni thirifrad u but’; bayi par u tharmiy nge non ngorad ni gowa dirra’. I SOMOL e bayi pufthinnag e fayleng ni ga’ngin; bayi pi’ gelngin fare pilung ni ir e turguy, bayi gagiyegnag fare pilung ni mel’eg ngi i gel.”