Psalms 132:10 - Bible Ni Thothup

¹⁰ Mmicheg bbugithin ngak e tapigpig rom i David; SOMOL, dab mu n’ag e re pilung nem ni gur e mu duwgiliy ni nge mang pilung!

Psalms 132:10 Σταυροειδείς Αναφορές

1 Kings 11:34

Machane dab gu chuweg e re nam ney ni ga’ngin u pa’ Solomon, ya bay gu tay ngi i gagiyeg u n’umngin nap’an e yafos rok ni bochan e tapigpig rog i David ni gag e gu duwgiliy, mi i par ni be fol ko pi motochiyel rog nge thin rog.

2 Kings 19:34

Bay gu yororiy e re binaw ney mu gu ayuweg u pa’ fare pilung nu Assyria, ni nggu rin’ ni bochan bugwag nge bochan e thin ni kug micheg ngak e tapigpig rog i David.’”

2 Kings 8:19

machane de fel’ u wan’ SOMOL ni nge gathey yu Judah, ni bochan e ke micheg ngak e tapigpig rok i David ni pi’in owchen e gubin ngiyal’ ni yad e bay u ra gagiyeggad.

2 Kronicles 6:42

SOMOL ni Got, dab mu faluwosnag e re pilung ni gur e mmel’eg. Mu tay u lanin’um rogon feni ba t’uf rom i David ni tapigpig rom.”

Psalms 144:10

Ga ma gagiyegnag nge gel e pi pilung ma ga ma chuweg David ni tapigpig rom u pa’ e riya’.

Psalms 84:10

Ta’reb e rran ni yira par u Tempel rom ma kabfel’ nga bbiyu’ e rran nni par u bang; kug ba’adag ni nggu sak’iy u langan e garog ko naun rok e Got rog ko bin ni nggu par u tafen e girdi’ ni kireb.

Psalms 84:9

A Got, mu ayuweg e pilung romad, ni fare pilung ni gur e mturguy ni nge pilung!

Hosea 3:5

Ma bayi tomur me cheal piyu Israel bayay ngar sulod ngak SOMOL ni Got rorad, nge ngak be’ ni owchen David ni ir e pilung rorad. Ma aram e bay yib madgun SOMOL u wun’rad me yag ngorad e pi tow’ath rok ni bfel.