Psalms 12:5 - Bible Ni Thothup

⁵ Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Psalms 12:5 Σταυροειδείς Αναφορές

BABYOR NI JOB 5:15

Machane Got e ma chuweg e pi gafgow u pa’ e yam’; mma ayuweg e pi’in ni yibe gafgow nagrad.

BABYOR NI JOB 5:21

Got e ra laegem u fithik’ e tin nde riyul’ ni murung’agem ni yibe weliy nge thin ni yibe t’ar nga dakenam; ma ir e ra aywegem ko riya’ nra yib.

Psalms 10:12

SOMOL, mu gechignag e pi girdi’ ni kireb nem! Dab mu pagtalin e pi’in yad be gafgow!

Psalms 10:18

Bay mu rung’ag e meyor rok e pi’in yi be gafgow nagrad nge pi’in kanim’ rorad; bay mu duwgiliy ni yad bfel’, ya nge tal e girdi’ ni dab kur k’arnged e marus ngorad.

Psalms 10:5

Pi’in kireb e ma fel’ rograd ko tin yad ma ngongliy. Ya dar nanged fan rogon e pufthin rok Got; ma mad ma girig ko pi to’ogor rorad.

Psalms 31:19

Rib th’abi fel’ e tin ga ma cha’riy ni fen e pi’in yad ma liyor ngom! Go’ yimnang fanam gol, rib fel’ rogon ni ga ma ayuweg e pi’in nib pagan’rad ngom.

Psalms 34:6

Pi’in ndabiyag ni ngar ayuweged yad e yad ra non ngak, me fulweg lungrad; me chuwegrad u fithik’ urngin e gafgow nike yib ngorad.

Psalms 73:8

Yad be moningnag boch e girdi’ ma yad be weliy e tin kireb; yad ba tolngan’ ma yad be puruy’nag rogon ni ngar gafgow niged boch e girdi’.

Exodus 5:2

Me ga’ar Farao, “I mini’ SOMOL? Mangfan ni nggu fol rok nggu pag yu Israel ngranod? Da gu nang owchen SOMOL; ri dab gu pag piyu Israel ngranod.”

Proverbs 14:31

Fa’an ga ra gafgownag e girdi’ ni dariy ban’en rok, ma ga be togopluw ngak fare Got ni sunmegrad, machane ga ra gol ngak e pi’in ndariy ban’en rorad ma aram ngonglen e liyor.

Proverbs 18:21

Tin ga ra yog e rayag ni ayweg e yafos fa reb e ra thang; ere thangri fel’ u wun’um wenigan e pi thin rom.

Eklesiastes 4:1

Ma aram mu gu sap bayay nga urngin e tin be buch nde mat’aw u lan e re fayleng ney. Ma pi’in ka ni gafgow nagrad e yad be yor, ma dariy be’ nra aywegrad. Dariy be’ nra aywegrad ni bochan e pi’in ni be gafgow nagrad e yad e bay gelingrad.

Eklesiastes 5:8

Dab mu gin ngay u nap’an ni ga ra guy ni am e be gafgownag e pi’in gafgow ma be siyeg ni nge rin’ e tin nib mat’aw ngorad nge tin mat’awrad. Gubin e pi ga’ ma bay u tan e gagiyeg rok be’ nib tolang ngak, ma yow bay u tan e gagiyeg rok e pi’in kab ga’ ngorow.

Isaiah 19:20

Galin’ey e bay i mang pow u lan yu Egypt ni bay SOMOL ni Gubin ma Rayag Rok u rom. Nap’an nra gafgow e girdi’ u rom miyad pining SOMOL ni nge ayuw, ma ra pi’ be’ ni nge aywegrad.

Isaiah 33:10

Be ga’ar SOMOL ngak e pi nam, “Chiney e nggu mithmith. Nggu dag fanag gel.

Ezekiel 18:18

Chitamngin e i sasaliyeb nag e girdi’ ma i iring ban’en u fithik’ e yargel ma gubin ngiyal’ ni i ngongliy e kireb ngak e girdi’. Me yim’ ni bochan e denen ni i rin’.

Hosea 7:16

Dakrir sulod ngog yad be lek ba got ni dariy gelngin. Dar muduwgil gad ni gowa ba gat’ing nib bug. Ni bochan e pi’in nma gagiyeg nagrad e ba tolang e thin rorad, yad ra yim’ nib ma’abwoch, ma ra minmin piyu Egypt.”

James 5:4

Ma dawor mpi’ed puluwon e pi’in yad be maruwel u milay’ romed. Ere mu telmed ko tin yad be yog nib togopluw ngomed! Ma laman e mayor ko pi’in yad be kunuy womngin e woldug romed e ke taw nga yil Got, ni ir Somol ni Gubin ma Rayag Rok!

Judges 10:16

Ma aram miyad n’ag fapi got nu boch e nam ni ur ted fan miyad liyor ngak SOMOL; me kirban’ ngak yu Israel ni kar awgad nga fithik’ e gafgow.