Psalms 119:53 - Bible Ni Thothup

⁵³ Nap’an ni gu ra guy e pi’in kireb ni th’ab e motochiyel rom, mu gu sug ko damumuw.

Psalms 119:53 Σταυροειδείς Αναφορές

Ezra 10:6

Ma aram me yan u mit fare Tempel ngalan e gin nma par Jehohanan riy nib mo’on ni fak Eliashib, nge par u rom e re nep’ nem ni be yornag feni de yul’yul’ e pi girdi’ nem ni un kalbus nagrad u bang. De kay ma de unum ban’en.

Ezra 9:14

Ere bu uw rogon ni gamad ra pag e pi motochiyel rom ney bayay ngkug mabgolgad ngak e pi girdi’ ni kireb ney? Fa’an gamad ra rin’, ma ri ga ra damumuw ngomad ngam thang owchamad ni gamad gubin ni dab mu pag be’ nib fos.

Ezra 9:3

Nap’an ni gu rung’ag e ren’ey mu gguchthuy e mad rog ni bochan e ke kireban’ug, mu gu bu’oy piyan lolugeg nge sorbeg, mu gu par nga but’ nike li’eg e kireban’.

Nehemiah 13:25

Mu gu thin ngak fapi pumo’on, mu gu pining e buch wa’athan nga dakenrad, gu toyrad, mu gu bu’oy piyan lolugrad. Ma aram mu gog ngorad ngar micheged u fithingan Got ni dakuriy bi’id ni yad ra le’engiy pifakrad e ppin nu bang.

Nehemiah 5:6

Nap’an ni gu rung’ag e gun’gun’ ni yad be tay, me yib e damumuw ngog

Psalms 119:136

Lu’ rog e be map’ nga but’ ni bod ba lul’, ni bochan e der fol e girdi’ ko motochiyel rom.

Psalms 119:158

Nap’an ni gu ra changar ko pi sasalap nem, mu gu sonogor, ni bochan e darir rin’ed e tin ni kam ta’chiylen.

Psalms 89:30

“Machane fa’anra dabi fol e pi’in owchen ko motochiyel rog, ma darir ngongolgad nrogon ni be yog e pi motochiyel rog,

Jeremiah 13:17

Fa’anra dab mmotoyil gad, ma bay gu yor nib mith ni bochan fanmed tolngan’; bay gu yor u fithik’ e m’ingan’, nge map’ lu’ag ni bochan e girdi’ rok SOMOL ni ka ni fekrad nga bang ni kalbus.

Daniel 4:19

Ma aram e Daniel (ni ku yima pining Belteshazzar ngak) e par nike magafan’ ndakiyag ni nge yog ban’en. Me ga’ar e en ni pilung ngak, “Belteshazzar, re lik’ay ney nge fan e dabi magafan’um ngay.” Me ga’ar Belteshazzar, “Pilung rog, re lik’ay nir nge fan e manga yigi par ni pi to’ogor rom e fan ngorad.

Habakkuk 3:16

Gu rung’ag e pin’ey ni gubin, mu gu t’on; me da’da’ dap’il’ugunag ko marus. Me m’ay yileg, me m’ing e bug u eg. Bay gu sonnag u fithik’ e gumaen’ e ngiyal’ ni bayi taw ngay me gechignag Got e pi’in kar maelgad ngomad.

2 Korinth 12:21

Gu be rusnag ni yanem ni gu ra yib e ra tamra’nigeg e Got rog ni bochmed, ma bo’or i gimed e bay gu yornag ni bochan e kar denengad ma dawor ra kolgad ngan’rad ngar pi’ed keru’rad ko kireb ni yad be rin’, nge ngongolen e darngal nge tin kireb ni yad be ar’arnag ma yad be ngongliy.

Filippi 3:18

Ke yo’or yay ni kugog e re bugithin ney ngomed kafram, me ere chiney e ngkug sul nggu weliy u fithik’ e lu’ ni be lungug: bo’or e girdi’ ni pangirad e ke pingegrad kar manged to’ogor ko yam’ ni tay Kristus u daken e kuruth;