Psalms 119:49 - Bible Ni Thothup

⁴⁹ Mu leamnag e michmich ni mu tay ngog, I gag e tapigpig rom; ya ke pi’ e lagan’ ngog.

Psalms 119:49 Σταυροειδείς Αναφορές

Genesis 32:9

Me meybil Jakob ni ga’ar, “Got rok e tutuw rog i Abraham ma Got rok e chitamag i Isak, mu rung’ag lamag! SOMOL, i lungum ngog, Mu sul ko nam rom nge girdi’ rom, ma bay gu ayuwegnem nge yal’uw urngin u puluwom.

Genesis 8:1

Machane depag Got tilin Noah nge urngin e gamanman ni malboch nge gamanman nib mongmor ni bay rok Noah u lan fare barkow; ma aram me pi’ e nifeng nge thow u daken e fayleng, me sul fare ran i yan nga but’.

2 Samuel 5:2

Kakrom nnap’an ni Saul e pilung rodad, me gur e um tay murung’agen e salthaw nu Israel ko mael me yog SOMOL ngom ni bay um pow’iy e girdi’ rok me mang gur e um gagiyeg nagrad.”

2 Samuel 7:25

“SOMOL ni Got, mu tay nga tagil’ ni gubin ngiyal’ e tin kamog ni murung’ageg nge murung’agen e pi’in owcheg, ma ga rin’ e tin ni kamog ni bay mu rin’.

BABYOR NI JOB 7:7

A Got, dab mu pag talin ni yafos rog e kemus ni ta’ab buchud i nifeng; ma felfelan’ rog e ke taw nga tungun.

Psalms 105:2

Mu tang niged e sorok ngak SOMOL; mu weliyed urngin e pin’en ni bfel’ nike rin’!

Psalms 105:42

Thin rok nib thothup ni micheg ngak Abraham ni tapigpig rok e de pag talin.

Psalms 106:4

SOMOL, dab mu pagtalig ko ngiyal’ ni ga ra ayuweg e girdi’ rom, mu unegeg ngorad nnap’an ni ga ra ayuwegrad.

Psalms 106:45

Bochrad me yib ngan’ e m’ag rok u thilrad, ma bochan e t’ufeg rok nib ga’ me waer e damumuw rok.

Psalms 119:147

U m’on ni nge m’ug e y’al mu gu piningem ni ngam ayuwegneg; kug pag e taga’ ko n’en ni mu micheg.

Psalms 119:43

Mu pi’ gelngig ni tin riyul’ e ngi i yib u langag ni gubin ngiyal’, ni bochan e be lagan’ug ko tin ka mu tiriggiliy.

Psalms 119:74

Picha’ ni yad ma liyor ngom e yad ra guyeg ma yad ma felan’, ni bochan e ma pagan’ug ko n’en nim micheg.

Psalms 119:81

SOMOL, ke aw parwog ni gu be son nagem ni ngam ayuwegneg; ku gu tay e pagan’ rog ko thin rom.

Psalms 71:14

Bay gu tay e pagan’ rog ngom ni gubin ngiyal’; bayi yo’or yay ni ngu’ug pining e sorok ngom.

Isaiah 62:6

Jerusalem, daken e pi rungrung rom e kug tay e pi matanag riy; ndab ra th’abed gulungurad nnep’ nge rran. Thingar ra puged wuran ngak SOMOL e tin i micheg dab ra paged nge pag talin.

Roma 15:13

I Got ni ir e ma pi’ e pagan’ e nge suguymed ko felfelan’ nge gapas u daken e michan’ romed ngak, nge yag ni i ilal e pagan’ romed ngak u gelngin fare Kan Nthothup.

1 Peter 1:13

Mu fal’eged rogon lanin’med ni ngam ngongolgad. Mi gimed tiyan’med ngari l’agan’med ko tow’ath ni yira pi’ ngomed ko ngiyal’ nra yib i m’ug Jesus Kristus.

1 Peter 1:21

Nu daken Kristus e mich Got riy u wun’med, me Got e faseg ko yam’ nge pi’ e fla’ab ngak; ere michan’ nge pagan’ romed e kam dugliyed nga daken Got.