Psalms 119:32 - Bible Ni Thothup

³² Rug ra fol ko tin kam ta’chiylen nib pasigan’ug ngay, ni bochan e bay mu gelnag e tamilngan’ rog.

Psalms 119:32 Σταυροειδείς Αναφορές

Genesis 26:22

Me chuw u rom nge yan i ker reb e luwed. Madakun malu’agthin ni bochan e binem, ere tunguy fithngan ni “Pufmat’won.” Me ga’ar, “Chiney e ke pi’ SOMOL mat’awdad ni ngad pired ko giney, ni irera’ e re gi binaw ni bayi fel’ rogdad riy i yan.

1 Kings 4:29

Got e pi’ ngak Solomon e gonop nge tamilangan’ ni kay gi pag rogon, nge llowan’ ni kay gi ga’ ni dabkiyag i foleg.

Psalms 119:45

Bay gu par ni rib puf rogog, ni bochan e gu ma athamagiliy ni nggu fol ko pi machib rom.

Psalms 18:36

Ka mu ayuwegneg ni de yag nni koleg, ma dawor gu dol’ bingyal’.

Tang Ko Pitang 1:4

Mu fekeg nggu un ngom, ngad milgow nga darow; ngam mmang pilung rog ma ga fekeg nga senggil rom. Gadow ra felfelan’ u ta’bang, ngad unumew ngad talubgow nga aer, ngad li’ew gadow ko adag. Arfan ngay ni urngin e ppin ma ba adagem!

Isaiah 40:31

Machane pi’in yad be toer ngak SOMOL ni nge ayuwegrad e bay ra pir’eged nike yib gelngirad bayay. Bay ra changeggad ngalang ni bod e arche’ ni eagle; yad ra mil, ma dab ra magaergad; ma yad ra yan, ma dabi m’ay gelngirad.

Isaiah 60:5

Bay mu guy ni aray rogon me yib e felfelan’ ngom; Bayi mithmith gumircha’em nib gel ni bochan e felfelan’. Fel’ rogon ko pi nam e bay ni fek i yib ngom; Fel’ rogon rorad e bayi th’ab lan e day nge yib ngom.

Isaiah 61:1

I SOMOL ni Th’abi Tolang e ke sug nigeg ko Kan Nthothup rok. Ir e mel’egneg me pi’eg nggu wan ni nggu fek e thin ni bfel’ i yan ngak e girdi’ ni gafgow, ni nggu fal’eg laniyan’ e pi’in ke kireban’rad, mu gog ngak e pi’in ka ni fekrad nga reb e nam ni kar kalbusgad, nge pi’in yad bay u kalbus ni bay ni pagrad.

John 8:32

ma bay mu nanged e tin riyul’, ma tin riyul’ e ir e bayi ayuwegmed nge dab kum pired ni gimed e sib.”

John 8:36

Ere fa’anra ayuwegmed e en ni Fak ngam pired ni gathi kigimed e sib, ma aram e kari muduwgil ni kam pired ni gathi kigimed e sib.

2 Korinth 3:17

Re bugithin nem ni “Somol” ko re thaliyol nem e ireram fare Kan Nthothup rok Somol; ma pi’in bay fare Kan Nthothup rok Somol rorad e kar chuwgad u tan e bin kakrom e m’ag.

2 Korinth 6:11

Tafager rog ni gimed bay u Korinth! Kug welthingad ngomed nda gu tinna’gad ngomed, kug weliyed lanin’mad ngomed.

Hebrews 12:1

Gadad e ba sug e pi girdi’ nem u to’obdad ni yad be guydad, ni ur daged ko ngongol rorad nrib michan’rad ngak Got. Ere ngad paged urngin ban’en ni be magawon ngodad, nge denen nike m’agdad nike chichiiy pa’ rodad, ngad athamgiliyed e gin ni kabay ni ngad milgad riy ngad tawgad ko gin ni gadad be nameg.

1 Peter 2:16

Um pired ni gimed bogni’ ni kam gilafgad ko kireb, machane gilaf ko kireb ni kam ted e dab mmaruwelgad ngay ni ngam upunguyed ban’en nib kireb, machane ngu’um ngongolgad nrogon e sib rok Got.