Psalms 119:159 - Bible Ni Thothup

¹⁵⁹ SOMOL, mu guy feni rib t’uf rog e fanow rom. T’ufeg rom e der thil, ere mu ayuwegneg!

Psalms 119:159 Σταυροειδείς Αναφορές

2 Kings 20:3

“SOMOL, nge par u wun’um, ni rogon ni ug pigpig ngom e rib fel’ rogon ma rigub yul’yul’ ngay ma gubin ngiyal’ ma gu be guy rogon ni nggu rin’ e tin gab adag ni nggu rin’.” Me tabab ko meyor nib gel.

Nehemiah 13:22

Mu gog ngak e pi Levite ni ngar be’ech nigedyad mranod ra matnagiyed fapi garog ngar guyed ngi i par e Sabbath nib thothup. A Got ku dab mupag talin e biney ni kug rin’ mag teg ndabi buch ban’en rog ni bochan e t’ufeg rom nrib ga’.

Nehemiah 5:19

Got, gu be meybil ngom ni ngam tay fenamyan ko urngin e pin’en ni ku gu rin’ ni bfel’ ni fan ngak e pi girdi’ ney.

Psalms 119:153

Mu sap ko gafgow rog, ngam aywegeg, ni bochan e dawor gu n’ag e motochiyel rom.

Psalms 119:47

Ku gu pir’eg e felfelan’ u fithik’ e fol ni gu be tay ko tin kamog ni ngan rin’, ni bochan e rib t’uf rog e tin kamog.

Psalms 119:97

Rib t’uf rog e motochiyel rom! Gu ma par ni gu ma leamnag ni polo’ e rran.