Psalms 119:141 - Bible Ni Thothup

¹⁴¹ I gag e dariy rogog ma dariy fag u wun’uy, machane dagur pag e pi machib rom.

Psalms 119:141 Σταυροειδείς Αναφορές

Psalms 119:109

Ya gubin ngiyal’ ni kug fal’eg rogog kug kol e pogofan rog nga pa’ag; ma motochiyel rom e dawor gu pag talin.

Psalms 119:16

Gu ma felfelan’ ko pi motochiyel rom; ma dab gu pag talin e tin ka mu ta’chiylen.

Psalms 119:176

Gu be deraw ni bod ba saf nike malog; are moy ngam changar nigeg, i gag e tapigpig rom, ni bochan e dawor gu n’ag e motochiyel rom.

Psalms 22:6

Machane gathi ka gag ba girdi’, ya kug par ni gu ba ololay, ndakuriy fag u wan’ urngin e girdi’ ma yad be moning nigeg!

Psalms 40:17

I gag e gub me’waer ndabiyag ni gu ayuwegneg, machane gur Somol e ga be leam nigeg. I gur e ta’ayuw rog ma Got rog, mu gur nag e ayuw rom ngog!

Proverbs 15:16

Kabfel’ ni ga ba gafgow ma bay madgun SOMOL u wan’um ko bin nge yo’or ban’en rom ma der aw e gapas u wan’um.

Proverbs 16:8

Bfel ni bochu’uw ban’en rom nim thognag u fithik’ e yul’yul’ ko bin nge yo’or ban’en rom ni yag ngom u fithik’ e sasalap.

Proverbs 19:1

Kabfel’ ni ga ba gafgow machane ga ba yul’yul’ ko gab sasalap l’ugun ma gab balyang.

Proverbs 3:1

Fakag, dab mu pag talin e machib rog ngom. Gubin ngiyal’ ni ngi i par u wun’um e n’en kugog ngom ni ngam rin’.

Isaiah 53:3

Kad darifan niged, ma kad dabuyed; i athamgil u fithik’ e gafgow nge amith. Ma dariy be’ ni adag ni nge changar ngak, da feked yathin ni gowa be’ nib m’ay fan.

Luke 6:20

Me sap Jesus ngak pi gachalpen me ga’ar ngorad: “Ngam felan’gad e pi’in gimed ba gafgow, ya gin nsuwon Got e tafenmed!

Luke 9:58

Me ga’ar Jesus ngak, “Gamanman ni fox e bay e low ni taferad, ma arche’ e bay taferad ni kar toyed, machane en ni Fak e Girdi’ e dariy bang ni nge pag ir riy nga but’ nge toffan.”

2 Korinth 8:9

Ya gimed manang rogon ni runguydad e Somol rodad i Jesus Kristus ni ba’aray rogon: aram rogon feni fla’ab, me pag ir nge gafgow ni fan ngomed, ni fan e nge yagnag e fla’ab ngomed u daken e gafgow nike tay.

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.