Psalms 119:14 - Bible Ni Thothup

¹⁴ Gu ba felfelan’ ni gu be fol ko tin kamog ni ngan rin’, ku gu ba’adag ko bin nge yo’or ban’en rog.

Psalms 119:14 Σταυροειδείς Αναφορές

BABYOR NI JOB 23:12

Gubin ngiyal’ ma gu ma rin’ e tin keyog Got ni ngan rin’; gu ma fol u lanyan’, gathi tin ni taban lanin’ug e gu be fol riy.

Psalms 112:1

Ke sorok SOMOL! Nge felan’ e en ni bay madgun SOMOL u wan’, ma rib felfelan’ ngay nma folwok ko tin keyog ni ngan rin’.

Psalms 119:111

Pi motochiyel rom e fanag ndariy n’umngin nap’an, nma pi’ e felfelan’ ngalan gumircha’eg.

Psalms 119:127

Ba t’uf rog e tin kam ta’chiylen ko gol, bfel’ u wun’ug ko tin th’abi fel’ e gol.

Psalms 119:162

Kar gu felfelan’ ni bochan e tin kam micheg, ni felfelan’ ni bod be’ nike pir’eg e machaf.

Psalms 119:47

Ku gu pir’eg e felfelan’ u fithik’ e fol ni gu be tay ko tin kamog ni ngan rin’, ni bochan e rib t’uf rog e tin kamog.

Psalms 119:72

Fare mmotochiyel ni mu pi’ ngog e ba ga’ fan u lanin’ug ko urngin e salpiy u lan e re fayleng ney.

Psalms 119:77

Mu rungyeg, mu gu par ni gub fos ni bochan e ke yag e felfelan’ ngog ko motochiyel rom.

Jeremiah 15:16

Mu non ngog, mu gu rung’ag urngin bug e thin ni mog. SOMOL ni Got ni Gubin ma Rayag Rok, i gur e mmil suwog ngom, ere thin rom e be fal’eg lanin’ug ma be pi’ e felfelan’ ngog.

Matthew 13:44

“Gagiyeg nu tharmiy e bod ban’en nrib t’uf ma rib tolang puluwon nni k’eyag u daken bangi milay’ ni aram e kan mithag. Me pir’eg be’ nib mo’on, miki tharey bayay. Me ri gel e felfelan’ ngak me yan nge pi’ ni chuway’ urngin ban’en ni bay rok, me sul nge chuw’iy fa gi milay’.