Psalms 119:137 - Bible Ni Thothup

¹³⁷ SOMOL, gur e ga ba mat’aw, ma pi motochiyel rom e ba mat’aw.

Psalms 119:137 Σταυροειδείς Αναφορές

Ezra 9:15

SOMOL ni Got nu Israel, ri gab mat’aw, machane ka mu pag bochi gamad ke par nib fos. Gamad be weliy e kireb romad ngom; dariy mat’awmad ni nggu bad nga p’eowchem.”

Nehemiah 9:33

Mmat’aw e tin mu rin’ ko gechig ni mpi’ ngomad; um par ni gab yul’yul’ ngomad, ni yug aram rogon ni gamad be denen.

Psalms 103:6

SOMOL e ma turguy e tin ni bfel’ ni fan ngak e pi’in yibe gafgow nagrad nge pi’ ngorad mat’awrad.

Psalms 145:17

I SOMOL e mmat’aw urngin e tin ma rin’, mma runguy e girdi’ u fithik’ urngin e ngongol rok.

Psalms 99:4

Pilung nib gel, bt’uf rom e tin nib mat’aw; kam sunmiy e tin nib mat’aw u lan yu Israel; kam fek i yib e tin nib mat’aw ma ba yal’uw.

Jeremiah 12:1

“SOMOL, fa’an gu ra tugthinnag e re pa’ i oloboch rog ney ngom, mra m’ug ni gur e ba sorom. Chiney e thingar gu fith ngom murung’agen e tin nib mat’aw. Mangfan ni pi’in kireb e ba yo’or ban’en rorad? Mangfan ni pi’in nde yul’yul’ e yad ba fla’ab?

Daniel 9:14

Gur SOMOL ni Got romad e mpar ni kam fal’eg rogom ni ngam gechig nagmad, ma ga rin’, ya gubin ban’en ni ga ma rin’ e bmat’aw, ya gamad e da gu folgad ko tin mog.

Daniel 9:7

I gur SOMOL, e gubin ngiyal’ ni ga be par ni gab mat’aw, ma gamad gubin ni kafaram i yib ni ug ngongliyed e ngongol ni ngan tamra’ ngay, ni girdi’ ni i par u lan yu Judea ngu Jerusalem, nge urngin piyu Israel ni kam weregrad u lan e pi nam nib chugur nge tin nib mal’af ni bochan e da ur yul’yul’gad ngom.

Roma 2:5

Machane kam gelnag lanin’um kam par. Aram e fin ga be ga’nag e gechig rom ko Chirofen ni bayi m’ug e damumuw rok Got nge gechig nike turguy nib mat’aw.

Roma 9:14

Ere mang e nga dogned? Nge lungudad e de mat’aw Got? Ri dangay!

Deuteronomy 32:4

“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.

Revelation 16:7

Mu gu rung’ag ba lam ni yib u altar ni be ga’ar, “Somol ni Got, ni Gubin ma Rayag Rok! Rib riyul’ ma rib mat’aw e gechig ni kam pi’!”

Revelation 19:2

Ba riyul’ ma bmat’aw e gechig nma turguy! Ya ke gechignag fare pin nib gilbuguwan nma pi’ ir ni chuway’ ni i kirebnag e fayleng nga ngongolen e darngal ni i rin’. I Got e ke gechignag ni bochan e li’ e pi tapigpig rok ngarm’ad.”