Psalms 119:109 - Bible Ni Thothup

¹⁰⁹ Ya gubin ngiyal’ ni kug fal’eg rogog kug kol e pogofan rog nga pa’ag; ma motochiyel rom e dawor gu pag talin.

Psalms 119:109 Σταυροειδείς Αναφορές

BABYOR NI JOB 13:14

Ku gu duwgiliy u wun’ug ni nggu pagfan e pogofan rog.

Psalms 119:117

Mu chubiyeg ngalang, nggu par ni dabi buch ban’en rog, ma gubin ngiyal’ ni bay ug tiyan’ug ko tin kamog ni ngan rin’.

Psalms 119:152

Ke kakrom ni ku gu fil murung’agen e fanow rom; ni mu ngongliy ni nge par ndariy n’umngin nap’an.

Psalms 119:16

Gu ma felfelan’ ko pi motochiyel rom; ma dab gu pag talin e tin ka mu ta’chiylen.

Psalms 119:83

Dakriy ban’en ni gu bfel’ ngay kug bod ba tafen e wayin ni kann’ag; ni yug aram rogon ma dawor gu pagtalin e tin kamog ni ngan rin’.

Roma 8:36

Ni bod rogon ni be yog e babyor nib thothup ni be ga’ar: “Polo’ e rran ni gamad be yan u thathren e riya’ ni bocham, kan taymad ni gowa gamad e saf ni ngan li’ ngem’.”

1 Korinth 15:31

Pi walageg, gubin e rran ni gu be yan u thathren e riya’! Felfelan’ ni kug tay ngomed ko wok rodad u fithik’ Kristus Jesus ni Somol rodad e ir e ke ngongliyeg kugog e re bugithin ney.

2 Korinth 11:23

Yad e tapigpig rok Kristus? Gu be non ni gowa gu be’ ni kug aliliy — machane i gag reb e tapigpig ni kabfel’ e pigpig ni gu be tay ko pigpig ni yad be tay! Kab gel e maruwel ni kug tay ko maruwel ni kar ted, kab yo’or yay ni ka non’eg nga kalbus, ma kab yo’or yay ni kan toyeg, ma kab yo’or yay nike chugur ni nggum’.

Judges 12:3

Nap’an ni gguy ndab mu ayuwgad, mu gu pagfan e fan rog nggu th’ab e mathil ngug cham ngorad, me gel nageg SOMOL ngorad: Ere mangfan ni kambad e chiney ni cham ngog?”

1 Samuel 19:5

I dow ko pogofan rok ko fa ngiyal’nem ni li’ Goliath, ni aram e ke gagiyegnag SOMOL piyu Israel kar gelgad ko mael. Mu guy faram ma ga felfelan’ ngay. Ere mang ni nge chiney ma ngam finey ni ngam rin’ ban’en nib kireb ngak be’ ni bfel’ e rok ni ngam thang e fan rok David ni dariy tapgin?”

1 Samuel 20:3

Me fulweg David ni ga’ar, “Ri manang e chitamam gelngin ni gub t’uf rom, ere ke turguy ndabi weliy ngom e tin ke leamnag ni nge rin’, ya ra kireban’um. Nggu micheg ngom u fithingan SOMOL ni be par nib fos, ni gag e gu be yan u thathren e riya’!”