Psalms 118:28 - Bible Ni Thothup

²⁸ I gur e Got rog, ere gu be pining e magaer ngom; bay gu weliy murung’agem nga feni sorom.

Psalms 118:28 Σταυροειδείς Αναφορές

1 Kronicles 16:14

I SOMOL e Got rodad; tin keyog ni ngan rin’ e fan ko fayleng ni ga’ngin.

Psalms 143:10

I gur e Got rog; mu fil ngog rogon ni nggu rin’ e tin nib m’agan’um ngay. Mu gol ngog, ma ga pow’iyeg ko kanawo’ nib pach.

Psalms 145:1

Got rog ma pilung rog, bay ug weliy rogon feni sorom ngan nang; bay ug pining e magaer ngom ndariy n’umngin nap’an.

Psalms 146:2

Bay u gu pining e sorok ngak u n’umngin nap’an ni gu be par ni gub fos; Bay u gu tangnag e Got rog u n’umngin nap’an e yafos rog.

Exodus 15:2

I SOMOL e ir e yoror rog nib gel; Ir fa’anem nike ayuwegneg ni de buch ban’en rog. Ir e Got rog, ma bay u gog e sorok ngak, ma ir e Got rok e chitamag, bay gu tangnag feni gel gelngin.

Isaiah 12:2

Got e ta’ayuw rog; Bayi pagan’ug ngak ma dab ku gu tamdag. I SOMOL e pi’ gelingig; ya ir e ta’ayuw rog.

Isaiah 25:1

SOMOL, I gur e Got rog; Bay ug liyor ngom mu gu mathangeluwolnag fithingam. Kam ngongliy bogi maang’ang; ri ga ba yul’yul’ u rogon ni ga be rin’ e pin’en ni ka mu tanomnag kakrom.

Isaiah 25:9

Nap’an nra yodrom, ma gubin e girdi’ ni bayi ga’ar, “Ir e Got rodad! Kad ted e pagan’ rodad nga daken, ma ke aywegdad ni de buch ban’en rodad. I ir e SOMOL! Kad ted e pagan’ rodad nga daken, ma chiney e kad felfelan’gad ma kad ufgad ni bochan e ke ayuwegdad.”