Psalms 117:2 - Bible Ni Thothup

² Rogon ni gadad bt’uf rok e rib gel, ma feni yul’yul’ e dariy n’umngin nap’an. Ke sorok SOMOL!

Psalms 117:2 Σταυροειδείς Αναφορές

Psalms 103:11

Rogon feni tolang lanelang ko fayleng, e aram feni ga’ e t’ufeg rok SOMOL ko pi’in ni bay madgun u wun’rad.

Psalms 146:6

ni ir e sunumiy lanelang, nge fayleng, nge day, nge urngin e tin bay riy. Gubin ngiyal’ nma tay e tin ke micheg nga tagil’;

Psalms 85:10

T’ufeg nge yul’yul’ e yow ra mada’; mat’aw nge gapas e yow ra gamuchmuch nga ta’bang.

Psalms 89:1

A SOMOL, gubin ngiyal’ ni bay u gu tangnag e t’ufeg rom ni dabimus; bay ug weliy murung’agen fanam yul’yul’ ni dab gu tal bi’id.

Isaiah 25:1

SOMOL, I gur e Got rog; Bay ug liyor ngom mu gu mathangeluwolnag fithingam. Kam ngongliy bogi maang’ang; ri ga ba yul’yul’ u rogon ni ga be rin’ e pin’en ni ka mu tanomnag kakrom.

Mikah 7:20

Bay mu dag fanam yul’yul’ nge fare t’ufeg rom ni dabimus ngak e girdi’ rom, ni pi’in owchen Abraham nge Jakob, ni bod rogon ni mmicheg ngak e pi chitamangimad kakrom.

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”

1 John 5:6

Jesus Kristus e ir fa’anem ni yib ni ran ko tawfe rok nge racha’en ko yam’ ni tay e micheg ko ir mini’. Gathi yib ni kemus ni ran e mich rok, machane ran nge racha’. Ma fare Kan Nthothup e ke micheg nib riyul’ e ren’ey; ya fare Kan Nthothup e ir e riyul’.