Psalms 116:6 - Bible Ni Thothup

⁶ I SOMOL e ma yoror rok e pi’in ndabiyag ni ngar ayuweged yad; nap’an ni gu bay u fithik’ e riya’, me chuwegeg u fithik’.

Psalms 116:6 Σταυροειδείς Αναφορές

Psalms 106:43

Bo’or yay ni ayuweg SOMOL e girdi’ rok, machane yad e ra turguyed ni ngar togopluwgad ngak ngar mak’gad nga fithik’ e denen.

Psalms 142:6

Mu telim ngog ni gu be ning e ayuw, ya kar gu bilig t’ay e gafgow! Mu ayuwegneg u pa’ e to’ogor rog; ya dabyag gelingrad rog.

Psalms 19:7

Motochiyel rok SOMOL e rib yal’uw, ra pasignag lanin’uy me pi’ gelngiy; ma tin be yog ni murung’agen SOMOL e ba riyul’ mma pi’ e gonop ngak e pi’in ndariy rorad.

Psalms 25:21

Fanag mat’aw nge fanag yul’yul’ e nge mang yoror rog, ya gur e ke pagan’ug ngom.

Psalms 79:8

Dab mu gechig nagmad ni bochan e pi denen ko pi chitamangimad kakrom. Mu runguymad e chiney; ya dakriy e lagan’ romad ngabang.

Isaiah 35:8

Bayi sum ba pa’ i kanawo’ ni ba ga’ riy, ni fithingan ni bay u nog e “Kanawo’en e Thothup.” Dariy ba tadenen nra yan u daken e re kanawo’ nem; girdi’ ni be yan u daken e re kanawo’ nem e dakuriy be’ nib balyang nra waliyrad ko kireb.

Matthew 11:25

Ngiyal’ nem me ga’ar Jesus, “Chitamag, ni gur e Somol nu tharmiy ngu fayleng! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul.

Roma 16:19

Yigoo kan rung’ag fanmed yul’yul’ ko thin rok Got, ni era’ fan ni kug felfelan’ ngomed. Gub adag ni nge tamilangan’med u murung’agen e tin ni bfel’, machane ngam pired ndab mu uned ko kireb.

2 Korinth 1:12

Ba’aray e ren’en ni gamad ba felfelan’ ngay: lanin’mad e be micheg ngomad ni ngongol romad u roy u fayleng, ni ba ga’ nrogon e ngongol romad ngomed nrogon feni tamilang nge rogon feni yul’yul’ e thin romad ngomed, e Got e i gagiyegnag me ir e pi’ gelngimad nge yag, ma gathi yib ko gonop rok e girdi’.

2 Korinth 11:3

Kug rusnagmed nri yib e kireb nga fithik’ i lanin’med nge dab kum yul’yul’gad ngak Kristus, ni bod rogon ni bannag fare porchoyog Eva.

Kolose 3:22

Gimed e pi sib, um folgad ko thin rok e pi’in yad e suwrad gimed u gubin ban’en, ma gathi kemus ni ngiyal’ ni yad be guymed e ngu’um rin’ed riy ni bochan e kemus ni ngam fel’gad u wun’rad, machane ngam rin’ed u fithik’ e tafinay nib yul’yul’, ni bochan e gimed be liyor ngak Somol.