Psalms 116:17 - Bible Ni Thothup

¹⁷ Bay gu pi’ ngom e maligach ni ogmagaer mu gu pi’ e meybil rog ngom.

Psalms 116:17 Σταυροειδείς Αναφορές

Psalms 107:22

Thingar ra urfiyed e gamanman ngar pi’ed ngak ni maligach ni aram e yad be pining e magaer ngak, miyad tang u fithik’ e felfelan’ ngar weliyed urngin e tin ke rin’!

Psalms 116:13

Bay gu chibiy ngalang fare kap ni fan ko mat’aw ngak mu gu pining fithingan SOMOL,

Psalms 50:14

Ogmagaer e nge mang maligach romed ngak Got, mu pi’ed ngak e en ni Gubin ma Rayag Rok gubin e tin ni kam og niged.

Levitikus 7:12

Fa’anra pi’ be’ ba maligach ni fen e ogmagaer ngak Got, ma thingar ki chagiy ngay reb e gamanman ni maligach, nge ba flowa ni dariy e is riy: ni demturug ko lof nib dib’ag nni ngongliy ko flour ni kan athkuy e gapgep ni olive ngay ara kek nib gilgith ni kan achay e gapgep ni olive ngay ara kek nni ngongliy ko flour ni kan athkuy ko gapgep ni olive.

Acts 2:42

Ma ur pired ni be machib nagrad e pi apostel, ma yad be par nike ta’reban’rad, ma yad be abich ma yad be meybil u ta’bang.

Deuteronomy 12:11

I SOMOL e bayi turguy bang ni aram e gin ni ngu’um liyorgad riy ngak, mu rom e ngam feked i yib ngak urngin ban’en ni kugog ngomed; pi maligach romed ni ngan urfiy nge yugu boch e maligach, nge ragag e pasent ko pin’en ke yag ngomed, nge pi tow’ath nib mal’eag ni kam micheged ngak SOMOL ni ngam pi’ed ngak.

Deuteronomy 12:6

U rom e ngam pi’ed e pi gamanman ni maligach riy ni ngan urfiy nge yugu boch e maligach, nge ragag e pasent ko pin’en nike yag ngomed, nge pin’en ni ngam pi’ed ngak SOMOL, nge pin’en ni kam micheged ni ngam pi’ed ngak, nge pin’en ni kam turguyed u wun’med ni ngam pi’ed ngak, nge tin som’on i fak e pi garbaw nge pi saf romed.

Hebrews 13:15

Ere ngu’ud pininged e magaer nge sorok’ ngak Got ni gubin ngiyal’ ni ir e maligach rodad ngak u daken Jesus; ni aram e re maligach ni gad be pi’ u dap’ilangdad ni gadad be yog ni ir e Somol.