Psalms 115:10 - Bible Ni Thothup

¹⁰ Gimed e pi prist rok Got, um pired ni SOMOL e ba pagan’med ngak! Ya ir e be ayuwegmed ma be yoror romed.

Psalms 115:10 Σταυροειδείς Αναφορές

Genesis 15:1

Tomuren e biney, mi ni piliyeg e changar rok Abram me rung’ag laman SOMOL ni be non ngak ni be ga’ar, “Abram, dab mu rus. I gag e bay gu yororiyem ni dabi buch ban’en rom; mu gu fal’eg wa’atham.”

Psalms 118:3

Pi prist rok Got e nge lungurad, “T’ufeg rok e ba manemus.”

Exodus 28:1

“Mu pining Aron ni walagem nge pifak ni pumo’on ni aram Nadab, Abihu, Eleazar, nge Ithamar. Mu faelrad nga bang u fithik’ piyu Israel, ya ngar manged tapigpig rog ni prist.

Numbers 16:40

Re upong n’ey e ngi i puguran ngak piyu Israel ni yug be’ ni gathi reb i owchen Aron e dabiyag ni nge yib ko fare altar nge urufiy riy fapi incense ni yima pi’ ngak SOMOL. Mra rin’ be’ ma yira thang e pogofan rok ni bod Korah nge pi’in yad ngabang. Urngin e pin’ey nrin’ ni bod rogon ni yog SOMOL ngak Moses ni nge rin’ Eleazar.

Numbers 16:5

Ma aram me ga’ar ngak Korah nge pi’in kar manged ngak, “Gabul ni kadbul e bayi dag SOMOL ngodad ko mini’ e en nib milfan ngak; ir e ra pag e cha’an nib milfan ngak ni aram e cha’ nike mel’eg, ni nge yan ngak nga altar.

Numbers 18:7

Kemus ni go’ gur nge pifakam ni pumo’on e bmilfan e maruwel ko liw ko prist ngomed, nib l’ag rogon ko altar nge tin bay u langgin e Gin Th’abi Thothup. Pin’ey e bmil fan ngomed, ya kug pi’ ngomed e binem e liw ni prist nib tow’ath. Ra yib yug be’ nga charen ban’en nib thothup nda npi’ mat’won ma yira thang e fan rok.”