Psalms 111:10 - Bible Ni Thothup

¹⁰ Dogwen SOMOL e ireram tabolngin e gonop; gubin e pi’in ma folwok rok e ra pi’ e tamilangan’ ngorad. Ir e ngan pining e sorok ngak ni dariy n’umngin nap’an.

Psalms 111:10 Σταυροειδείς Αναφορές

BABYOR NI JOB 28:28

Ga’ar Got ngodad e girdi’, “Ga ra gonop, ma aram e ke yib dugwen SOMOL u wan’um. Ra ngam llowan’ ma ngam pithigem ko kireb.”

Psalms 1:3

I ir e bod ba ke gek’iy nike tugul u to’oben ba lul’; gubin ngiyal’ nma k’uf ko ngiyal’ nra taw ngay ni nge k’uf, ma der mororoy yuwan. Urngin e tin ma ngongliy e ma yan i aw ni bfel’.

Psalms 145:2

Gubin e rran ni bay ug pining e magaer ngom; bay ug pining e sorok ngom ndariy n’umngin nap’an.

Proverbs 1:7

Ra nge tamilangan’um, ma som’on e thangri yib madgun SOMOL u lanin’um. Girdi’ ni balyang e dariy fan e gonop u wun’rad, ma daburad ni ngar folgad ko fonow.

Proverbs 3:4

Fa’an ga ra rin’ ni arrogon, ma ga ra fel’ u wan’ Got nge girdi’.

Proverbs 9:10

Ra ngam gonop ma som’on e thangri yib madgun SOMOL u lanin’um. Fa’anra gamnang Fa’anem nib Thothup, ma aram e ba tamilang lanin’um.

Eklesiastes 12:13

U tomuren urngin e pin’ey, ma ka ta’reb e kabay ni nganog: Nge yib madgun Got u wun’um, ma ga fol ko tin ke ta’chiylen, ya kemus fan e girdi’ ni sunmiy.

Levitikus 19:14

Dab mu darifan niged be’ nib biling ma dab mu ted ban’en nga m’on rok be’ nib malmit ni fan e nge tun ay ngay; thingar mpired ni bay madgug u wun’med. I Gag SOMOL ni Got romed.

Matthew 25:21

Me ga’ar e masta rok ngak, ‘Ri gab manigil, ye gur reb e tapigpig ni gab fel’ ma gab yul’yul’! Ya kam yul’yul’ u rogon e maruwel ni mu tay ko salpiy nib lich, ere bay gu tem ni gur e nge milfan pire’ ban’en ngom. Ere moy ngam un ngog ko felfelan’!

Matthew 25:23

Me ga’ar e masta rok ngak, ‘Ri gab manigil, gur reb e tapigpig ni gab fel’ ma gab yul’yul’! Ya kam yul’yul’ u rogon e maruwel ni mu tay ko salpiy nib lich, ere bay gu tinem ni gur e nge milfan pire’ ban’en ngom. Ere moy ngam un ngog ko felfelan’!’

John 12:43

Ya kab t’uf rorad ni ngar fel’gad u laniyan’ e girdi’ ko bin ni ngar fel’gad u laniyan’ Got.

John 13:17

Re bugithin ney nib riyul’ e kam nanged e chiney, fa’an gimed ra maruwel ngay mra um pired ni gimed ba felfelan’!

John 5:44

Gimed ba’adag ni nge bigimed me fel’ u wan’ bigimed, machane damur guyed rogon ni ngam fel’gad u wan’ e ta’are Got ni bay, ere ra di’in mu gu mich u wun’med?

Roma 2:29

Machane cha’ nriyul’ ni ir be’ u Israel e cha’ ni ir be’ u Israel u fithik’ i laniyan’, ni aram e cha’ ni kan maad’ad nga laniyan’, ni fare Kan ni Thothup rok Got e ke yodoromnag, machane gathi fare Motochiyel ni kan yoloy. Be’ nike yodorom e Got e bay yog e sorok ngak, ma gathi girdi’ e nge yog e sorok ngak.

Roma 2:7

Boch e girdi’ e kar pired ni yad be rin’ e tin ni bfel’ ni yad be nameg e fla’ab rok Got, nge tayfan ni bayi tay Got ngorad, nge reb e tamilang ndab ku nim’ riy: ireram e picha’ ni bayi pi’ Got e yafos ndariy n’umngin nap’an ngorad.

1 Korinth 4:5

Ere dab mu turguyed e kireb nga daken be’ u m’on ndawori taw nga nap’an. Bin tomur e pufthin e thangri son nge yan i mada’ ko ngiyal’ ni bayi sul Somol riy ni ba’aray rogon: bayi fek nga tamilang e tin yibe mithag me dag nga tamilang e tin nib mith ni i leamnag e girdi’. Ma aram e ra be’ ni bay rogon ni nge pining Got e sorok ngak ma bayi pining Got e sorok ngak fa’anem.

2 Korinth 4:17

Re gafgow ney ni gadad be tay nib gafgow nib achig ma dabi n’uw nap’an me m’ay e bayi fek i yib ngodad ba fla’ab ni ba ga’ ni dabi m’ay bi’id, nri kab gel feni ga’ ko re gafgow ney.

Deuteronomy 4:6

Ngar mu ted u gil’ e pi motochiyel nem, ya ra aram rogon ma ra guy e pi nam fanmed gonop nge feni tamilangan’med. Yad ra rung’ag murung’agen urngin e pi motochiyel ney mra lungurad, ‘Dakuriy girdi’en reb e nam ni bod feni gonop nge feni tamilangan’ girdi’en e re nam ney nib sorok!’

1 Peter 1:7

Fan e pi gafgow ney e nge micheg nriyul’ nib mich Got u wun’med. Mus ko gol ni ban’en nrayag ni ngan kirebnag ma yima sikengnag ko nifiy; ere ku errogon e michan’ romed ngak Got, ni ban’en ni kab tolang puluwon ko gol, e ku errogon nthingar ni sikengnag, ni fan e nge yag ni par. Ma aram e ranog e sorok ngomed, me yag e fla’ab ngomed min tay famed ko fare Rran nra yib i m’ug Jesus Kristus riy.

Revelation 22:14

Nge felan’ e pi’in ni kar lukniged e mad rorad ke be’ech, ya bay mat’awrad ni ngar ked wom’ngin fare ke gek’iy ko yafos, miyad yan u langan fapi garog ngalan fare binaw.