Psalms 110:6 - Bible Ni Thothup

⁶ Bayi gechignag e pi nam, ma bayi suguy tagil’ e mael ko lldow; bayi gel ko gubin e pilung u ga’ngin e fayleng.

Psalms 110:6 Σταυροειδείς Αναφορές

Genesis 3:15

I gur nge fare pin e bay mpirew ni gimew ba to’ogor; ma ku er rogon pifak nge pifakam ni bay ur pired ni yad ba to’ogor. Ma be’ nib mo’on ni fak fare pin e bayi bilbilig lolugem’ mi gur e bay mu k’ad wurilen ay.”

Psalms 68:21

Got e rra bilig lolugen e pi to’ogor rok, ni pi’in darir paged wo’rad ni kireb.

Psalms 68:22

Ke ga’ar Somol, “Bay gu fulweg e pi to’ogor rom u Bashan; Bay gu fulwegrad u t’ay e rigur,

Isaiah 11:3

mi i felan’ ko pigpig ni be tay ni be fol rok. Dabiyag ni turguy e n’en ni ngan rin’ ngak be’ ni bochan usun fa’anem ara tin ke rung’ag ni murung’agen;

Isaiah 2:4

Bayi gapaseg thilin e pi nam ni gang’. Bay ra ama niged e pi saydon rorad ngar ngongliyed talin e maruwel riy nma gi’ e but’ nge pi sarey rorad nge mang yar ni yima th’ab papa’ngin e woldug ngay. Pi nam e dab ku ra maelgad bayay, ma dab ku ra fal’eged rogorad bayay ni fan ko mael.

Isaiah 42:1

Be ga’ar SOMOL, “Ba’aray e tapigpig rog ni ku gu pi’ gelngin, ni fa’anem ni gag e kug turguy ni ir e bfel’ u wun’ug. Ku gu suguy ko kan nthothup rog, bayi fek e tin nib yal’uw i yib ngak urngin e nam.

Isaiah 42:4

Dabi mulan’ ma dabi pag ir, ma tin nib yal’uw e bayi tay nga fayleng. Pi nam nib mal’af e ri yad be sonnag e machib rok.”

Isaiah 51:5

Bay gub nib papey nggu aywegrad; ngiyal’ ni nggu gel e ke chugur. I gag rog e bay gu gagiyegnag e pi nam. Tin nib palog e nam e be son nigeg ni nggu taw; ni yad be son nike lagan’rad ngog ni nggu aywegrad.

Isaiah 66:24

“Nap’an ni yad ra chuw miyad guy e ldow ko pi’in ur tagopluwgad ngog. Fakl’ud ni be longuyrad e dariy e ngiyal’ nra yim’, ma nifiy ni be urfiyrad e dariy e ngiyal nra math. Ya’arad e ba sosonogor u owchen gubin e girdi’.”

Ezekiel 39:4

I Gog nge raba’ i salthaw rok nge pi’in karmanged ngak e bay ra thiggad ni karm’ad u daken fapi burey nu Israel, ma bay gu pag e ldow rorad nge mang ggan ko urngin e arche nge gamanman ni malboch.

Mikah 4:3

Bay i triggiliy e malu’ag thin u thilin e pi nam, pi nam nib ga’ mab gel ntin ba chugur nge tin mal’af. Bay ra pirdi’iyed e pi saydon rorad ngemang kuwa nima gi’ e but’, miyad pirdi’iy e pi sarey rorad nge mang yaer nifen bugul e ew. Pi nam e dakriy bi’id ni yad ra mael bayay, ara rfal’eged rogorad bayay ni ngar maelgad.

Habakkuk 3:13

Ma ga yan ni ngam ayuweg e girdi’ rom u pa’ e to’ogor, ni ngam ayuweg fare pilung ni gur e mmel’eg. Kam li’ e en ni be yog e thin rok e girdi’ ni kireb, ma kam thang owchen e tirok e girdi’.

John 5:22

Ma ku errogon ni dabi pufthinnag e en ni Chitamangiy be’. Ya ke pi’ mat’wun e en ni Fak ni nge pufthinnag e girdi’,

Revelation 14:20

Ma fapi grape e yibe uduy u lan e n’en ni yima uduy e grape riy ni bay u wuru’ fare binaw, me yib e racha’ u lan fare n’en ni yima uduy e grape riy nga but’ nlul’ ni l’agruw mir’ay e mayel n’umngin ma gonap’an lal e fit tom’arngin.

Revelation 19:11

Ma aram mu gguy e tharmiy nike mab, mu gguy ba os nib wechwech, ni en nike af nga daken e Yul’yul’ nge Riyul’ fithingan; nib mat’aw rogon e gechig nma pi’, ma bmat’aw rogon e mael nma tay.

1 Samuel 2:10

Pi to’ogor rok SOMOL e bay ni thirifrad u but’; bayi par u tharmiy nge non ngorad ni gowa dirra’. I SOMOL e bayi pufthinnag e fayleng ni ga’ngin; bayi pi’ gelngin fare pilung ni ir e turguy, bayi gagiyegnag fare pilung ni mel’eg ngi i gel.”