Psalms 110:4 - Bible Ni Thothup

⁴ I SOMOL e kari micheg e re bugithin ni ba’aray, ma dabi thiliyeg. Ke ga’ar, “Bay mmang ba prist ndariy n’umngin nap’an, ni bod rogon Melkizedek ni prist.”

Psalms 110:4 Σταυροειδείς Αναφορές

Genesis 14:18

Me Melkizedek, ni ir e pilung nu Salem ma ku ir e Prist ni Th’abi Ga, e fek e flowa nge wayin i yib ngak Abram,

Psalms 132:11

Ri mmicheg bbugithin ngak David, ma dab mu thiliyeg, ya lungum: “Bay gu gagiyegnag reb i pifakam nge mang pilung, me ir e bayi gagiyeg u tomrem.

Zekariah 6:13

I ir e cha’ ni bayi toy bayay fare Tempel me yag thawon e pilung ngak, ma bay i gagiyegnag e girdi’ rok. Ma bayi sak’iy ba prist nga charen facha’ ni be gagiyeg, mar maruwelgow u ta’bang u fithik’ e gapas nge ta’reban’.’

Numbers 23:19

Got e gathi bod e girdi’, nma ban; Gathi ba girdi’ nma thiliyeg laniyan’. Tin nma micheg ni nge rin’ e ma rin’; Ra non ma kem’ay i ngongliy.

Hebrews 5:6

Miki yog u bayang u lan e babyor nib thothup ni ga’ar, “Bay mpar ni gur reb e prist ndariy n’umngin nap’an, ni bod rogon Melkizedek.”

Hebrews 6:20

I Jesus e ke yan ngalan e re senggil nem nike m’on rodad, me ir e owchedad ngaram. Ke mang Prist ni Th’abi Ga’ ndariy n’umngin nap’an, ni bod rogon Melkizedek.

Hebrews 7:11

Ngiyal’ ni ba’aram ni girdi’ nni gargelegrad ni owchen Levi e yad e ur manged prist, ma eram e ngiyal’ ni pi’ Got fare Motochiyel ngak e girdi’ nu Israel. Ere fa’an mang e yan i aw ni kari yal’uw make gamen feni fel’ e maruwel ko pi prist ni owchen Levi, ma dakuriy rogon bmit e prist ni nge yib i m’ug, ni be’ ni bod Melkizedek, ni gathi yib ni owchen Aron.

Hebrews 7:17

Ya babyor nib thothup e be ga’ar, “Bay mmang reb e prist ndariy n’umngin nap’an, ni bod Melkizedek.”

Hebrews 7:21

Machane Jesus e mang ba prist u daken fare mow ni micheg Got ni bayi rin’ me mow nga fithingan ko fa ngiyal’nem ni ga’ar Got ngak, “I Somol e ke yog bbugithin ma ke micheg nga fithingan, dabki piliyeg laniyan’ riy: ‘Bay mmang ba prist ndariy n’umngin nap’an.’ ”

Hebrews 7:28

Fare Motochiyel rok Moses e i turguy e girdi’ ni bogi girdi’ ndar yal’uwgad ngar manged e pi prist nib th’abi tolang; machane thin ni yog Got ni micheg nga fithingan, ni yib nib tomur ko fare Motochiyel rok Moses, e ir e turguy e en ni Fak Got, ni ir e kan ngongliy rogon ni bay i par nib yal’uw ndariy n’umngin nap’an.

Revelation 1:6

ke ngongliydad kad manged ba nam i prist ni ngad pigpiggad ngak e Got rok ni Chitamngin. Ngan tayfan minog e sorok ngak Jesus Kristus, me ir e bay rogon ni nge mil suwon urngin ban’en ngak ndariy n’umngin nap’an! Amen.