Psalms 109:18 - Bible Ni Thothup

¹⁸ Ka ri macham ngak nma yibiley be’ nga kireb, ni bod e mun mad; mang e yigi rich e yibil rok ni kireb nga fithik’ i dow ni bod e ran nge nga fithik’ e yil rok ni bod e gapgep.

Psalms 109:18 Σταυροειδείς Αναφορές

BABYOR NI JOB 29:14

Urngin ngiyal’ ma gu ma ngongol nib mat’aw ma dagur lanyan’.

Psalms 109:19

Mang e yugur upunguyed ni bod e mad me par u lukngun ni bod e leed ni gubin ngiyal’!

Psalms 73:6

Ere kar nunuwgad ko ufanthin ni bod ba kiy i churuwo’, ma farad yargal e ke mang mad ngorad;

Numbers 5:22

Nge yan ere ran ney ngalan e yal rom ngam simaw me kirebnag tafen e bitir riy.” Me fulweg fare pin ni be ga’ar, “Errogon; errogon ni nge rin’ SOMOL.”

Numbers 5:27

Ma nap’an nra unum fapi ran ma fa’anra kar pirew be’ ni gathi figirngin, ma fare ran e ra k’aring e amith ngak nib gel; me simaw me kireb tafen e bitir u yin. Me par fithingan nike mang ba yaba’ u fithik’ pi girdi’en.

Matthew 26:24

Ya en ni Fak e Girdi’ e bay yim’ ni bod rogon nike yog e babyor nib thothup murung’agen, machane kari gafgow e re mo’on nem ni ir e bay yagnag e en ni Fak e Girdi’! Ya fa’an manga da ni gargelnag ma kabfel’!”

Acts 1:18

Salpiy ni yagnag Judas ko ngongol nib kireb e ni chuw’iy bangi binaw ngay, ni aram e gin ni mul riy u lang nge yim’; me po’ e yal rok nge wear gathon nga but’.

Acts 1:25

ni nge fek e re gaf i maruwel ko apostel ney nike pag Judas ke yan ko gin ni ir e mmil suwon ngay.”

Kolose 3:12

Gimed girdi’en Got; ya gimed ba t’uf rok ma ke duwgiliymed ni ngam manged girdi’en. Aram fan ni runguy, nge gol, nge sobut’an’, nge sumunguy, nge gumaen’ e thingar mon’ed nga dakenmed nge mang mad romed.

Kolose 3:8

Me ere chiney e thingar mpaged urngin e pin’ey: ni aram e damumuw, nge ar’ar nib kireb, nge fanenikan. Thangri dabi yib bbugithin u l’ugunmed nga but’ nra kirebnag laniyan’ be’ ara bbugithin nib puwlag.

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”