Psalms 108:6 - Bible Ni Thothup

⁶ Mu ayweg e pogofan romad u gelngim; mu fulweg taban e meybil rog, ya nge dabi buch ban’en ko pi’in yad ba t’uf rom.

Psalms 108:6 Σταυροειδείς Αναφορές

2 Samuel 12:25

me yog SOMOL ngak Nathan ni profet ni nge yan i tunguy Jedidiah ngak, ya ba t’uf rok SOMOL.

1 Kings 18:24

Me meybil e pi profet rok Baal ngak, mu gu meybil ngak SOMOL, ma arorow nra pag e nifiy ngay, ni aram e ke fulweg taban e meybil, e ir Got.” Me tolul e girdi’ ni aram e kar pininged e kefel’ ngay.

1 Kings 18:26

Miyad fek fare garbaw ni ka ni fek i yib ngorad ngar ngongliyed rogon, miyad meybil ngak Baal nge mada’ ko misiw’. Miyad tolul ni lungurad, “Baal, mfulweg taban e meybil romad!” Miyad par ni yad be churu’ ma yad be liyeg fare altar ni kar ubunged, machane de fulweg Baal taban e meybil rorad.

1 Kings 18:29

Miyad par ni yad be non ni ba ga’ lamrad nge thig e yal’; machane de yib e fulweg ko meybil rorad, ma da nrung’ag ba lam ni non.

Psalms 54:1

A Got, mu ayuwegneg nga gelngim; gelngim e nge m’ug riy ni bfel’ e rog!

Psalms 57:6

Ke pag e pi to’ogor rog bangi nug ni nggu aw ngay; kari paraw lanin’ug. Ka ra kired ba low u lane kanawo’ rog, machane yad e kar mulgad nga langgin.

Exodus 15:6

“SOMOL, ba’ ni mat’aw i pa’am e rib th’ab feni gel; ke tet’ar e pi to’ogor kar yochyanggad.

Isaiah 65:24

Ra dawor ra mu’gad ko meybil ngog, mu gu fulweg taban e meybil rorad.

Jeremiah 33:3

“Mu piningeg mu gu fulweg lungum; gu ra yog ngom boch ban’en nib manigil ma bfel’ ni damnang murung’agen.

Matthew 17:5

Ma nap’an ni be non me yib bangi manileng nib galgal ram’en nga dakenrad, me non ba lam u fithik’ fa gi manileng ni ga’ar, “Ireray Fakag nrib t’uf rog, ni kari felan’ug ngak — ere mu telmed ngak!”

Matthew 3:17

Me non ba lam u tharmiy ni ga’ar, “Ireray Fakag nib t’uf rog ni kari felan’ug ngak.”

Roma 1:7

Ere gu be yol ngomed ni gimed gubin e pi’in gimed bay u Roma ni gimed ba t’uf rok Got nike piningmed Got ni ngam manged girdi’en ni be lungug: I Got ni Chitamangidad nge Somol Jesus Kristus e ngu’ur ayuwegew gimed ma yow be pi’ e gapas nga lanin’med.

Efesus 1:6

Ngad pininged e sorok ngak Got nga gelngin e runguy rok ngodad, ni bochan fare tow’ath nike pi’ ngodad u daken Fak nrib t’uf rok!

Deuteronomy 33:12

Me yog murung’agen e ganong rok Benjamin ni ga’ar: “Irera’ fare ganong nib t’uf rok SOMOL ma be yoror rok; gubin e rran ni yad be par u p’eowchen ni ir e kemang manaf rorad.”

Kolose 3:12

Gimed girdi’en Got; ya gimed ba t’uf rok ma ke duwgiliymed ni ngam manged girdi’en. Aram fan ni runguy, nge gol, nge sobut’an’, nge sumunguy, nge gumaen’ e thingar mon’ed nga dakenmed nge mang mad romed.