Psalms 108:11 - Bible Ni Thothup

¹¹ Rriyul’ ni kam n’agmad? Mog, dab kum un ngak e salthaw romad ko mael?

Psalms 108:11 Σταυροειδείς Αναφορές

2 Kronicles 13:12

I Got ni ir e ma gagiyeg nagmad ma prist rok e yad ba’aray ni bay e rappa rorad, ni ka ra fal’eged rogorad ni ngar thoyed miyad piningmad ni nggu maelgad ngomed. Girdi’ nu Israel, dab mu chamgad nib togopluw ngak SOMOL ni Got rok e pi chitamngimed! Dabyag ni ngam gelgad!”

2 Kronicles 14:11

Me meybil Asa ngak SOMOL ni Got rok ni ga’ar, “SOMOL, rayag rom ni ngam ayuweg barba’ i salthaw nib waer ni bod feni mom ni ngam ayuweg barba’ i salthaw nib gel. SOMOL ni Got romad mu ayuwegmad e chiney, ni bochan e gamad be gif ngom, mu daken fithingam e kugbad riy ni nggu chamgad ngak e re raba’ i salthaw ney nib ga’. SOMOL i gur e Got romad; dariy be’ nrayag rok ni nge gel ngom.”

2 Kronicles 20:15

Me ga’ar Jahaziel, “Gur e en Pilung nge gimed gubin e girdi’ nu Judah ngu Jerusalem, be ga’ar SOMOL e thingar dabi mulan’med ara mu rusgad ni ngam chamgad ngak fare raba’ i salthaw nib ga’. Re mael ney e ba milfan ngak Got, gathi gimed.

Psalms 44:9

Machane, chiney e kam digeymad ma kam pagmad kug waergad; dakmur un ngak e pi salthaw romad ko mael.

Numbers 10:9

Nap’an nra yib e mael ngomed u lan tafenmed ni gimed be ayweged gimed rok e re to’ogor nike yib ni mael ngomed, migmed thoy e gali yabul ney ni pow riy ni keyib e mael. I Gag SOMOL ni Got romed e gu ra ayuwegmed u pa’ e pi to’ogor romed.

1 Samuel 17:26

Me fith David e pi salthaw ni yad ba chugur ngak ni ga’ar, “Fa’anra li’ be’ e re Filistine nem nge chuweg e tamra’ rok yu Israel ma mang e yira pi’ ngak? Ya mini’ e re Filistine nem ni be’ nde nang Got ni be darifannag e salthaw rok Got ni be par nib fos?”

1 Samuel 17:36

Kug li’ boch e layon nge bear, ma ku irera’ e n’en ni gu ra rin’ ko re Filistine nem ni be’ nde nang Got, ma be darifannag e salthaw rok Got ni be par nib fos.