Psalms 107:22 - Bible Ni Thothup

²² Thingar ra urfiyed e gamanman ngar pi’ed ngak ni maligach ni aram e yad be pining e magaer ngak, miyad tang u fithik’ e felfelan’ ngar weliyed urngin e tin ke rin’!

Psalms 107:22 Σταυροειδείς Αναφορές

Psalms 116:12

Be mang e rayag ni gu pi ngak SOMOL nge yan nga puluwon gubin e pin’en ni bfel’ nike rin’ ngog?

Psalms 116:17

Bay gu pi’ ngom e maligach ni ogmagaer mu gu pi’ e meybil rog ngom.

Psalms 118:17

Dab gum’, ya bay gu par ni gubfos nggu weliy murung’agen e tin ke rin’ SOMOL.

Psalms 27:6

Pi to’ogor rog ni karon’edgag nga longob e bay gu uf ni kug gel ngorad. Bay ug pi’ e maligach ngak SOMOL u lan e Tempel rok ni kug pi’ lamag ngalang u fithik’ e felfelan’; bay gu tang, bay gu pining e sorok ngak SOMOL!

Psalms 50:14

Ogmagaer e nge mang maligach romed ngak Got, mu pi’ed ngak e en ni Gubin ma Rayag Rok gubin e tin ni kam og niged.

Psalms 73:28

Machane gag e kari felan’ug, ya gu be par u to’oben Got! U charen SOMOL Nib Th’abi Tolang e kug par riy ndabi buch ban’en rog, ma bay ug weliy urngin e tin ke rin’ ngan nang.

Psalms 9:11

Ngan tangnag e sorok ngak SOMOL, ni ir e ma gagiyeg u Zion! Ngan weliy ngak gubin e nam e tin ke rin’!

Psalms 9:15

Pi nam e ka ra mulgad ngalan e low ni yad e ra kired; ka ra awgad ko wup rorad.

Isaiah 12:4

Bay reb e rran ni bayib ni bayi tang e girdi’ ni yad be ga’ar, “Moged e magaer ngak SOMOL! Mu pininged ni nge ayuwegmed! Mogned ko urngin e nam e tin ke rin’! Moged ngorad feni sorok!

Levitikus 7:12

Fa’anra pi’ be’ ba maligach ni fen e ogmagaer ngak Got, ma thingar ki chagiy ngay reb e gamanman ni maligach, nge ba flowa ni dariy e is riy: ni demturug ko lof nib dib’ag nni ngongliy ko flour ni kan athkuy e gapgep ni olive ngay ara kek nib gilgith ni kan achay e gapgep ni olive ngay ara kek nni ngongliy ko flour ni kan athkuy ko gapgep ni olive.

Hebrews 13:15

Ere ngu’ud pininged e magaer nge sorok’ ngak Got ni gubin ngiyal’ ni ir e maligach rodad ngak u daken Jesus; ni aram e re maligach ni gad be pi’ u dap’ilangdad ni gadad be yog ni ir e Somol.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.