Psalms 107:11 - Bible Ni Thothup

¹¹ ni bochan e ra togopluwgad ko tin ni yog Got ni Gubin ma Rayag Rok, ya ra dabuyed ni ngar folgad ko pi fanow rok.

Psalms 107:11 Σταυροειδείς Αναφορές

2 Kronicles 33:10

Yug aram rogon ni ginaeng SOMOL i Manasseh nge girdi’ rok ko kireb rorad, mar gel niged lanin’rad ndar motoyilgad ngak.

2 Kronicles 36:16

Machane ur moning niged e pi tamol’og rok Got, ngu’ur feked yathin e pi thin rok ma yad be minmin ko pi profet rok, me munmun ma kari gel e damumuw rok SOMOL ko girdi’ rok ni dakiyag nrathaygad ko damumuw rok.

Psalms 106:43

Bo’or yay ni ayuweg SOMOL e girdi’ rok, machane yad e ra turguyed ni ngar togopluwgad ngak ngar mak’gad nga fithik’ e denen.

Psalms 106:7

Pi chitamangimad ni kakrom u Egypt e der nanged fan e pi maang’ang ni i rin’ Got; ra paged talin feni yo’or yay ni i dag Got e t’ufeg rok ngorad, miyad cheal ngar togopluwgad ngak e en ni Gubin ma Rayag Rok u rom ko fare gi day ni Red Sea.

Psalms 119:24

Pi fanow rom e ma pi e felfelan’ ngog; ni ir e ma yal’uwegeg.

Psalms 68:18

Me yan ngalang ko gin nth’abi tolang, nike fek e pi’in ni kolrad me pi’ e pi tatogopluw e tow’ath ngak, I SOMOL ni Got e ra par u rom.

Psalms 68:6

Ma pi’ e tabnaw ko pi’in dakuriy be’ rorad, ma chuweg e girdi’ u kalbus miyad felan’ ni ka ni pagrad, ma pi tatogopluw e bay ra pired u lan bbinaw ni kann’ag.

Psalms 73:24

Ga be pow’iyeg ko fonow ni ga be tay ngog, ma tomur e bay mu fekeg nga fithik’ e fla’ab ni aram e ka mu tolang nigeg.

Psalms 78:40

Rib yo’or yay nra togopluwgad ngak u lan e ted ni desert; bo’or yay nra kireb niged lanyan’!

Proverbs 1:25

Kam darifan niged urngin e fonow rog ngomed, ma dabumed ni gu ra yal’uwegmed.

Isaiah 5:19

Gimed be ga’ar, “Nge papay SOMOL nge rin’ e tin ni be yog ni bayi rin’, ya nge yag ni ngad guyed. Got rok yu Israel nib thothup e nge rin’ e tin ke tanomnag, ma gadad guy ko mang e be tafneynag.”

Jeremiah 44:16

“Gu siyegned ni nggu motoyilgad ko n’en ni mog ngomad u daken fithingan SOMOL.

Luke 16:14

Me rung’ag e pi Farise urngin e pi thin ney, mu ur moninggad ngak Jesus, ya ba t’uf e salpiy rorad.

Luke 7:30

Machane pi Farise nge pi tamchib ko Motochiyel e dar folgad ko tin nike finey Got ni fan ngorad, miyad siyeg ni nge tawfe nagrad John.

Acts 20:27

Ya da gu tal nda gog ngomed e tin ni kem’ay i leamnag rok Got ni fan ngomed.

Roma 1:28

Bochan e daburad ni ngar ted u fithik’ i lanin’rad e tin riyul’ ni murung’agen Got, ma aram e ke pagrad Got yad be leamnag e tin nib kireb, ma yad be ngongliy e pin’en ni susun e dab ra ngongliyed.