Psalms 107:10 - Bible Ni Thothup

¹⁰ I par boch i yad u fithik’ e lumor u kalbus, ya kar pired ni yad e kalbus ni ka nin’ e chen ngorad yad be gafgow,

Psalms 107:10 Σταυροειδείς Αναφορές

2 Kronicles 33:11

Ma aram me pag SOMOL e pi tolang ko salthaw ngar m’aged e mael nga Judah. Ngar koled Manasseh, miyad the’ e lam nga dow, ngar m’aged e chen ngak, ngan fek nga Babylon.

BABYOR NI JOB 3:5

Mu tay ni reb e rran nib lumolang ma rib talumor; mu upunguy ko manileng ma ga thang e yal’ riy.

Psalms 105:18

Ruw raba’ i ay ni kan chennag, ma kan the’ ba wasey nga belel’ugun,

Isaiah 42:7

Bay mu bing lan mit e pi malmit, ma ga chuweg u kalbus e pi’in yad be par riy u fithik’ e lumor.

Isaiah 9:2

Girdi’en fare nam ni uranod u fithik’ e lumor e ka ra guyed ba tamilang ni ba ga’ ram’en! Ur pired u lan ba nam u fithik’ e rumug ni yam’, machane chiney e ke gal e tamilang nga dakenrad.

Mikah 7:8

Pi to’ogor rodad e dariy rogon ni ngar girig gad ngodad. Kad mulgad machane bay kud sak’iy gad bayay. Gadad be par u fithik’ e lumor e chiney, machane SOMOL e bayi pi’ e tamilang ngodad.

Matthew 22:13

Ma aram me ga’ar fare pilung ngak fapi tapigpig rok, ‘Mm’aged pa’ nge ay nga mon’ed nga wuru’ e naun nga fithik’ e lumor. Ya aram e gin ni bay i yor riy ma be chachafin nguwelen.’ ”

Matthew 4:16

Girdi’ ni yad be par u fithik’ e lumor bay ra guyed ba tamilang ni ba ga’! Nga daken e pi’in be par u fithik’ e lumor ko nam ni yam’, e ke puf e woch u ba tamilang nib ga!”

Luke 1:79

ni bayi gal ram’en u tharmiy nga daken urngin e pi’in yad be par ko tagalul’ nib lumor ni lumoren e yam’, me pow’iy rifrifen aydad iyan nga daken wo’en e gapas.”