Psalms 106:5 - Bible Ni Thothup

⁵ Mu pageg ngug guy e girdi’ rom ni nge fel’ rogorad mug un ko felfelan’ ko nam rom, u fithik’ e uf uf ko pi’in nib mil farad ngom.

Psalms 106:5 Σταυροειδείς Αναφορές

2 Samuel 20:19

Re binaw romad ney e rib manigil, reb e tin nth’abi gapas mab yul’yul’ u lan yu Israel. Ere mangfan ni ga beguy rogon ni ngam gathay? Mog, gab adag ni ngam kirebnag ban’en nib milfan ngak SOMOL?”

Psalms 1:3

I ir e bod ba ke gek’iy nike tugul u to’oben ba lul’; gubin ngiyal’ nma k’uf ko ngiyal’ nra taw ngay ni nge k’uf, ma der mororoy yuwan. Urngin e tin ma ngongliy e ma yan i aw ni bfel’.

Psalms 105:43

Me fek e girdi’ rok ngranod nga wuru’ e nam ni yad be tang, ni girdi’ rok ni ir e mel’eg ngranod ni yad be tolulnag e felfelan’.

Psalms 105:6

Gimed pifak Abraham ni tapigpig rok, pi pumo’on ni fak Jakob, ni ir e mel’eg!

Psalms 118:15

Mu telmed nga lunguy ni yibe garusnag ni kan gel u lan e pi tent ko tirok Got e girdi’ ni be lungurad, “Gelngin SOMOL nib gel e ke yodoroynag!

Psalms 14:7

Ri gu be meybil nu Zion e nge yib e ayuw riy ngak yu Israel! Rib gel e felfelan’ nra tay e girdi’ nu Israel nap’an nra fal’eg SOMOL rograd bayay!

Psalms 48:11

nge felfelan’ e girdi’ nu Zion! Ga ma pufthin nib mat’aw; nge felan’ e pi binaw nu Judah!

Isaiah 12:6

Urngin e girdi’ nma par u Zion e nge tolul ngalang me tang! Got nib thothup rok piyu Israel e ba sorok, mma par u fithik’ e girdi’ rok.”

Isaiah 35:10

Ma bay ra tawgad nga Jerusalem nike felan’rad, ni yad be tang ma yad be tolulnag e felfelan’. Ma bay ur pired ni yad be felfelan’ ndariy n’umngin nap’an, ndabki yib e kireban’ nge gafowan’ ngorad.

Isaiah 45:25

I Gag SOMOL e bay gu chuweg urngin e pi’in owchen Jakob u pa’ e to’ogor rorad, ma bay ra pininged e magaer nge sorok ngog.

Isaiah 66:10

Ngam uned ngak Jerusalem ko felfelan’; nge fel’anmed ngak, gimed gubin e pi’in nib t’uf e re binaw ney romed! Ngam uned ngak ko felan’ e chiney, gimed gubin e pi’in ku’um yor niged.

Joel 2:23

’Mu felfelan’gad e girdi’ nu Zion, mu felfelan’ gad ni bochan e tin ke rin’ SOMOL ni Got romed ngomed. Ke pi’ ngomed e n’uw ni bfel’ urngin ko ngiyal’ ndabisiy ni nge yag ngomed, ni bod ni i rin’, ma ke pu’og e n’uw nga but’ u nap’an e garbeb ni fan ngomed, ma ke pi’ e n’uw u ngal’an e yafang nike tabab e gowel ni bod ni i rin’ ko som’on.

Zefaniah 3:14

Gimed e girdi’ nu Israel, mu tanggad mi gimed garusnag e felfelan’! Gimed yu Jerusalem, mu felfelan’ gad u polo’ i lanin’med!

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

John 15:16

Gathi gimed e mmel’eged gag; ya gag e kug mel’egmed kug turguymed ni ngam marod nge yib wom’engimed ni pire’ ni fa mit i wom’ngin nma par ni dabi kireb bi’id. Ma en ni Chitamangiy e demturug e n’en ni gimed ra ning ngak u fithingag mra pi’ ngomed.

John 16:22

Ere ku ireray e n’en ni bay mu rin’ed: chiney e ke kireban’med, machane bay kug guymed bayay, ma bay mfelfelan’gad, ni fa mit nem e felfelan’ ndariy be’ nrayag ni nge fek romed.

Acts 9:15

Me ga’ar Somol ngak, “Mman, ya kug turguy ni nge pigpig ngog, ni ir e nge fek fithingag i yan ngak e pi’in gathi yad piyu Israel nge pi’in pilung, nge ngak e girdi’ nu Israel.

Efesus 1:18

Gu be wenig ngak ni nge tamilangan’med ngam guyed e tamilang rok, nge yag ni ngam nanged e n’en ni kabay ngam’on ni ir e be piningmed ngay, nge feni gel e manigil ko pin’en ni be yog ni bayi pi’ ngak e tirok’ e girdi’,

Efesus 1:4

Dawor ni sunumiy e fayleng, ma ke mu’ Got i mel’egdad rok ni ngad manged girdi’en u fithik’ Kristus, ni fan e nge yag nda thothupgad ma dariy thibngidad u p’eowchen. Bochan e gadad ba t’uf rok

Deuteronomy 32:9

Ma pi’in owchen Jakob e ir e mel’eg ni ir e nge par rok.

Deuteronomy 7:6

Ngam rin’ed ni era’ rogon ya gimed girdi’en SOMOL ni ir e Got romed. Ke mel’egmed u fithik’ girdi’en urngin e pi nam nu fayleng ni ngam manged girdi’en.

Filippi 3:3

Ya gathi yad e picha’ nike yag e bin riyul’ e maad’ad ko dowef ngorad, ya gadad, ni bochan e gadad ma liyor ngak Got ma gadad ma meybil ngak u daken e Kan Nthothup rok, ma gadad be felfelan’ ko yafos ni yag ngodad u daken Kristus Jesus. Dabi pagan’dad nga yalen e tin yibe ngongliy nga wuru’ i dowdad.

2 Thessalonika 2:13

Pi walagmad ni girdi’en Kristus, thingar gu pininged e magaer ngak Got ni gubin ngiyal’ ni bochmed, ni gimed e pi cha’nir ni gimed ba t’uf rok Somol. Ya Got e mel’egmed ni gimed e som’on ni ngam thapgad ngak Got u gelngin fare Kan ni Thothup ngu daken e michan’ romed ko tin nib riyul’, me ngongliymed ngam manged girdi’en nib thothup.

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.

Revelation 17:14

Bay ra chamgad ngak fare Fak e Saf; machane fare Fak e Saf nge pi’in ke piningrad nike mel’egrad, ni pi’in yad ba yul’yul’ ma yad be un ngak e bay ra gelgad ngorad, ya ir e Somol ko pi somol nge Pilung ko pi pilung.”