Psalms 106:36 - Bible Ni Thothup

³⁶ Girdi’ rok Got e ra uned i tayfan e pi liyos, ni aram tapgin e riya’ ngorad.

Psalms 106:36 Σταυροειδείς Αναφορές

2 Kings 17:7

I waer yu Samaria ni bochan e denen yu Israel nib togopluw ku SOMOL ni Got rorad, ni ir e ayuwegrad u pa’ fare pilung nu Egypt nge pow’iyrad nga wuru’ yu Egypt. Yad be tay fan yug boch e got,

Psalms 78:58

Ra k’aringed e damumuw ngak ko yungi n’en ni yad be tayfan boch e got riy, nge pi liyos rorad ni kari gelnag e damumuw ngak.

Exodus 23:33

Dab mu paged e pi girdi’ nem ngar pired u lan e nam romed; ya fa’an gimed ra pag, ma yad ra waliymed ngam denengad nib togopluw ngog. Ma fa’an gimed ra tayfan e pi got rorad, mra mang ba wup’ ngam awgad ngay.”

Deuteronomy 29:25

Ma ba’aray e fulweg riy, ‘Bochan e ke th’ab e girdi’ rok SOMOL fare m’ag ni ngongliy u thilrad, ni fare Got rok e pi ga’ rorad kakrom, ni ir e fekrad nga wuru’ yu Egypt.

Deuteronomy 7:16

Mu thanged owchen urngin e girdi’ ko pi nam ni SOMOL ni Got romed e bayi pi’ nga pa’med, ma dab mu runguyed yad. Dab mu ted fan ara mu meybilgad ko pi got rorad. Ya gimed ra rin’ ma ra yib riy’en ngomed.

Joshua 23:13

ma rrigimed manang ni SOMOL ni Got romed e dabki tuluf girdi’en e pi nam ngar chuwgad u nap’an ni gimed be yan i yan nga m’on. Bay ra manged maad’ad u puluwomed ni bod e wup, ara low, nge dimow u daken keru’med nrib amith, ara rachangal u lan owchemed. Ma bayi par ni aray rogon nge taw ko ngiyal’ ndakuriy bigimed u lan re nam nfel’ ney ni pi’ SOMOL ni Got romed ngomed.

Judges 10:6

Miki denen piyu Israel bayay nib togopluw ngak SOMOL ngu’ur ted fan fapi kan ni Baal nge pi ya’an Astartes, nge pi got rok yu Syria, Sidon, Moab, Ammon, nge Filistia. Ra n’aged SOMOL miyad pag ni da kur liyorgad ngak.

Judges 2:17

Machane da ur folgad rok fapi tayugang’ rorad. Yu Israel e da ur yul’yul’gad ngak SOMOL, ma yugu boch e got e ur tedfan. Ma pi chitamangirad e ur folgad ko tin keyog SOMOL ni ngan rin’, machane biney e mfen nib be’ech e de n’uw nap’an ma da kur folgad.

Judges 2:19

Ma yug nap’an nra yim’ e en i gafaliyrad, me sul fa pi girdi’ nga panginrad ngar ngongolgad nib gel e kireb riy ko bin ke thumur e mfen. Miyad pigpig ma yad be tayfan yug boch e got, miyad pi’ nga daken ngu’ur rin’ed e kireb.

Judges 2:3

Ere ngog ngomed e chiney ndab kug tuluf e pi girdi’ ney u nap’an ni gimed be yib i yib nga m’on. Bay ra manged to’ogor romed, ma bayi thabey nagmed e liyor ko pi got rorad.”