Psalms 106:28 - Bible Ni Thothup

²⁸ Ma aram e girdi’ rok Got e un i tayfan Baal u Peor miyad un i kay e maligach ni kan pi’ ngak e pi got ni yad ba yam’.

Psalms 106:28 Σταυροειδείς Αναφορές

Exodus 34:15

Dab mu ngongliy reb e tha’ u thilmed girdi’en e re nam nem, ya nap’an ni yad ra tayfan e tirorad e got ma yad be pi’ e maligach ngorad, ma bay ra pininged gur ni ngam un ngorad, ma bay ur guyed rogon ni ngam koy e pi ggan ni kar og niged ko tirorad e got.

Hosea 9:10

Be ga’ar SOMOL, “Som’on ni gu pir’eg yu Israel, ma bod e grape ni kan pir’eg ni be tugul u lan e ted ni desert. Som’on ni gguy e pi chitamangimed, ma bod ni gguy e tin som’on wom’ngin e fig nike lol u ngal’an. Machane nap’an nrabad ko fare Burey ni Peor, miyad tabab i tayfan Baal, ma de n’uw nap’an miyad bod feni sunsonogor fapi got nib t’uf rorad.

Numbers 25:5

Me ga’ar Moses ngak e pi tayugang’ niyad ma puf oloboch, “Ra bigmed me thang e pogofan rok gubin e pumo’on ko ganong rok ni un i tayfan Baal u Peor.”

Numbers 31:16

Gimed manang ni ppin e i fol ko n’en ni i yog Balaam u Peor ngar waliyed e girdi’ ndaki yul’yul’ ngak SOMOL. Ni aram e ren’en ni girengiy e liliy nga daken e girdi’ rok SOMOL.

Deuteronomy 32:17

Ma yad be pi’ e maligach ngak pi got ni go’ bogi ban’en, bogi got nda i meybil yu Israel ngorad, ma da i fol piyu Israel rorad.

Deuteronomy 4:3

Gimed e mu guyed nga owchemed e n’en ni rin’ SOMOL u burey ni Peor. I thang owchen e pi’in ni ur ted fan Baal u rom.

Joshua 22:17

Ki gimed manang e denen rodad u Peor, nnap’an ni gechignag SOMOL e girdi’ rok nge pag e liliy nge garar nga dakaney? Kagdad be gafgow ni bochan e ran’em. Ere ku dawori gaman e binem e denen?

Revelation 2:14

Machane ba’aray in i ban’en ndabug rom: bay boch e girdi’ rom u wur ni yad be fol ko tin ni be fil Balaam ko girdi’, ni ir e fil ngak Balak rogon ni nge waliy e girdi’ nu Israel ngar denengad ni ngar ked e ggan ni kan pi’ ni maligach ngak e liyos nma meybil boch e girdi’ ngay, ma yad be ngongliy ngongolen e darngal.