Psalms 106:13 - Bible Ni Thothup

¹³ Machane de n’uw nap’an miyad pag talin e tin ke rin’ mra ngongolgad ni dakur son niged e fanow rok.

Psalms 106:13 Σταυροειδείς Αναφορές

Psalms 107:11

ni bochan e ra togopluwgad ko tin ni yog Got ni Gubin ma Rayag Rok, ya ra dabuyed ni ngar folgad ko pi fanow rok.

Psalms 78:11

Kar paged talin e n’en ke rin’, fapi maang’ang nra guyed ni rin’.

Exodus 15:17

Bay mu fekrad i yan ngam man mu tayrad ko burey rom, ni fa gin’em ni gur, SOMOL, e mu mel’eg ni tabnaw rom, ni fare Tempel ni ri gur e mu toy.

Exodus 15:24

Mu ur gun’gun’gad nib togopluw ngak Moses, miyad fith ngak ni lungurad, “Mang e nggu unumed?”

Exodus 16:2

Miyad gubin nra gun’gun’gad nib togopluw ngak Moses nge Aron u rom u lan e ted ni desert,

Exodus 17:2

Miyad welthin nib togopluw ngak Moses ni be lungurad, “Mpi’ e ran ngomad nggu unumed.” Me fulweg Moses ni ga’ar, “Mang ni gimed be togopluw ngog? Mang ni gimed be sikengnag SOMOL?”

Exodus 17:7

Min tunguy fithingan e gin’em ni Massah nge Meribah, ni bochan e i togopluw piyu Israel, ni aram e kar sikeng niged SOMOL ko fa ngiyal’ nra fithed ni lungurad, “Gur bay SOMOL rodad fa de moy?”

Proverbs 1:25

Kam darifan niged urngin e fonow rog ngomed, ma dabumed ni gu ra yal’uwegmed.

Proverbs 1:30

Gimed be par ndabumed ni nggu fonow nagmed ara mu telmed ngog ko ngiyal’ ni gu be yal’uwegmed.

Isaiah 51:13

Kam paged talin SOMOL ni sunmiymed, ni ir e filath lanelang me ayliy e deaf ko fayleng? Mangfan ni ngu’um pired ni gimed bmarus ko dumumuw rok e pi’in yad ma gafgow nagmed, ni pi’in ka ra fal’eged rograd ni ngar gafgow niged gimed? Dumumuw rorad e dabkiyag ni nge bit ngomed.