Psalms 106:10 - Bible Ni Thothup

¹⁰ I ayuwegrad u pa’ e pi’in i fananikayrad, I ayuwegrad rok e pi to’ogor rorad.

Psalms 106:10 Σταυροειδείς Αναφορές

Nehemiah 9:11

Mu ngongliy ba kanawo’ u fithik’ e day ni fan ngak e girdi’ rom ma ga pow’iy e girdi’ rom ngranod riy nike mlik’ e but’ riy nga barba’. Pi’in i tuluf rad e ra lumoch gad kore daynem, ni bod rogon ba malang ni ligil nga ar u lan e rigur ni be cham e day riy.

Psalms 107:2

Mu uned ngog i pining e sorok ngak SOMOL, ni gimed gubin e pi’in nike ayuwegmed u pa’ e to’ogor romed. I ir e ke lagmed u pa’ e pi to’ogor romed,

Psalms 136:24

I pithigdad u pa’ e to’ogor rodad; t’ufeg rok e ba manemus.

Psalms 44:8

Bay u gogned e sorok ngom ni gubin ngiyal’ mu’ug pininged e magaer ngom ndariy n’umngin nap’an.

Exodus 14:30

Rofen nem e ayuweg SOMOL piyu Israel u pa’ piyu Egypt, me guy piyu Israel piyu Egypt ni yad bay u dap’eday ni karm’ad.

Exodus 15:13

Mu par ni gab yul’yul’ ko tin ni mmicheg, ya mu gafaliy e pi girdi’ ni mu lagrad ko gafgow; gelngim e mu pow’iyrad ngay nga tafnam nib thothup.

Mikah 6:4

I gag e gu chuwegmed u Egypt. Um pired riy ni gimed’ e sib, mu gu chuwegmed riy. Gu pi’ Moses nge Aron nge Miriam ni ngu’ur pow’iyed gimed.

Deuteronomy 11:4

Mu guyed rogon SOMOL ni thirif u but’ fa raba’ i salthaw nu Egypt, nib mu’un e pi os nge pi chariot rorad nma girengiy e os ngay, ni fa’ ni lumach nagrad u langgin fa gi day ni Red Sea u nap’an ni yad be tulufmed.