Psalms 106:1 - Bible Ni Thothup

¹ Ngan pining e sorok ngak SOMOL! Ngan pining e magaer ngak SOMOL, ni bochan e ba manigil; t’ufeg rok e ba manemus.

Psalms 106:1 Σταυροειδείς Αναφορές

1 Kronicles 16:34

Ngu’un pining e magaer ngak SOMOL, ni bochan e ir e bmanigil; ya t’ufeg rok e dabimus bi’id.

1 Kronicles 16:41

Ma immoy rorad i Heman nge Jeduthun nge ku boch e girdi’ ni kun mel’egrad ni ngu u ron’ed tangin e sorok ngak SOMOL ni fan ko t’ufeg rok ni manemus.

Ezra 3:11

Miyad tang ni yad be pining e sorok ngak SOMOL ma yad be sul u daken e pi thin ni ba’aray: “I SOMOL e rib manigil, ma rogon nib t’uf piyu Israel rok e bay i par ndariy n’umngin nap’an.” Urngin e girdi’ nra be’ me non ni kemus ga’ngin laman ni be pining e sorok nge magaer ngak SOMOL, ni bochan e kan tabab i muruwliy fare def ko Tempel.

Psalms 103:17

Machane pi’in yad ma liyor ngak SOMOL e bay ur pired ni yad ba t’uf rok ndariy n’umngin nap’an, ma fel’ngin ngorad e bay i par ni gubin e mfen,

Psalms 105:1

Mu pininged e magaer ngak SOMOL, moged u fithik’ e girdi’ feni sorok, mi gimed weliy ngak e pi nam e tin ke rin’!

Psalms 105:45

ni fan e nge fol e girdi’ rok ko pi motochiyel rok, mu’ur rin’ed gubin e tin ke ta’chiylen. Mu pining e sorok ngak SOMOL!

Psalms 107:1

Mu pininged e magaer ngak SOMOL, ya ir e mmanigil; ma t’ufeg rok e bmanemus!

Psalms 118:1

Mu pininged e magaer ngak SOMOL, ya SOMOL e bfel’, ma t’ufeg rok e ba manemus.

Psalms 119:68

Rigab manigil — ma gab gol! Mu fil ngog e tin kamog ni ngan rin’.

Psalms 135:3

Mu pininged e sorok ngak SOMOL, ya ba manigil; mon’ed e tang ni gimed be pining e sorok nga fithingan, ya ba gol.

Psalms 136:1

Ngan pining e magaer ngak SOMOL, ni bochan e ba manigil; t’ufeg rok e ba manemus.

Jeremiah 33:11

laman e felfelan’ nge garus nge laman e felfelan’ ko madnom ko m’agpa’. Ga ra rung’ag laman e girdi’ ni yad be tang ko ngiyal’ ni yad be fek e maligach ko ogmagaer ngalan e Tempel rog; bayi lungrad, ‘Ngan pining e magaer ngak SOMOL ni Gubin ma Rayag Rok, ni bochan e ba gol ma t’ufeg rok e dabimus.’ Bay gu fal’eg rogon e re nam ney ni bod rogon ko som’on. I Gag SOMOL e kugog e pi thin ney.”

Matthew 19:17

Me fulweg Jesus ni ga’ar, “Mang ni ga be fitheg u murung’agen e n’en ni bfel’? Ri ta’abe’ e bay ni ir e bfel’. Ere mfol ko fapi motochiyel ni fa’anra gab adag ni ngam man ko yafos.”

1 Thessalonika 5:18

demturug e n’en nra yib ngomed ma gubin ngiyal’ ni ngu’um pininged e magaer ngak Got. Ireray e tin ni ba’adag Got ni ngam rin’ed e pi’in kam manged girdi’en Kristus Jesus.