Psalms 104:31 - Bible Ni Thothup

³¹ I SOMOL e bay i par nib gilgilbuguwan ni dariy n’umngin nap’an! I SOMOL e bay i par nib felfelan’ ko n’en nike ngongliy!

Psalms 104:31 Σταυροειδείς Αναφορές

Genesis 1:31

Me par Got nge guy urngin e n’en ke ngongliy ma rib fel’ u wan’. Me chuw e binem e nep’, me ni kadbul — ni aram e bin nel’ e rran.

Psalms 102:16

Nap’an nra ubung SOMOL yu Zion bayay, me dag feni gilbugwan.

Exodus 31:17

Ran’ey e ba pow nike par u thilmad e girdi’ nu Israel ni manemus, ni bochan e Gag SOMOL, e gu sunumiy e tharmiy nge faleng u lan nel’ i rran, me rofen ni gaman e medlip ngay e gu tal ko maruwel nggu toffan.”

Isaiah 62:5

Bod rogon be’ nib pagel ni fek ba rugod ni dawori nang e pumo’on nge le’engiy, Cha’ ni chamiyem e ra figirngiyem. Bod ba pumo’on nma felfelan’ nga le’engin, e aram rogon e Got rom nra felan’ ngom.

Jeremiah 32:41

Bayi fel’ lanin’ug ngay ko tin nib manigil ni nggu rin’ ngorad, ma bay gu dugliyrad ni dariy n’umngin nap’an u lan e re nam ney.

Zefaniah 3:17

Fare SOMOL ni Got romed e be par romed; ni gelngin e be gel nagmed. Bayi felfelan’ SOMOL ngomed, ma fithik’ e t’ufeg rok e bayi pi’ reb e yafos nib be’ech ngomed. Bayi tang ma be felfelan’ ngomed,

Roma 11:36

Ya gubin ban’en me ir e sunumiy, ma gubin ban’en ni ir e yib rok me ir e fan ngak. I Got e ngu’un tayfan ndariy n’umngin nap’an! Amen.

Galatia 1:5

I Got e ngu’un tayfan ndariy n’umngin nap’an! Amen.

Efesus 3:21

Ngan pining e sorok ngak Got u daken girdi’en e galesiya nge Kristus Jesus ndariy n’umngin nap’an! Amen!

2 Timothy 4:18

Mi Somol e bayi chuwegeg u fithik’ urngin e gafgow, me thapegeg nga tharmiy ko gin nsuwon. Me ir e nganog e sorok ngak ndariy n’umngin nap’an! Amen.

Hebrews 13:21

I Got ni ir e Got ko gapas e nge pi’ ngomed urngin e tin ni bfel’ ni nge yag ngomed nge yag ni mu rin’ed e tin nib m’agan’ ngay, me rin’ u fithik’ i lanin’dad e tin ni ir e bm’agan’ ngay, ni nge rin’ u daken Jesus Kristus. Mi Kristus e ngad ted fan e chiney i yan ngam’on ndariy n’umngin nap’an! Amen.

1 Peter 5:11

I Got e bayi par gelngin ndariy n’umngin nap’an! Amen.

2 Peter 3:18

Machane Somol rodad i Jesus Kristus ni ir e ke thapegdad ngak Got e ngi i ayuwegmed ngu’um mon’oggad i yan ma gimed be nang i yan; ni ir e ngu’un tayfan e chiney i yan ngam’on ndariy n’umngin nap’an! Amen.