Psalms 104:3 - Bible Ni Thothup

³ ma kam tay e naun rom nga daken e ran u lang. Pi manileng e ke mang chariot rom, ma ga be yan u daken pon e nifeng.

Psalms 104:3 Σταυροειδείς Αναφορές

2 Samuel 22:11

I changeg u lang nga but’ ni bay u daken keru’ e kerubim; i yan nib machreg nike af nga daken pon e nifeng.

Psalms 139:9

Fa’anra gu changeg nggu wan nga wuru’ i lan e ngek, ara gu wan gu par ko gin nth’abi orel ni bay u lan e ngal,

Psalms 148:4

Pi tharmiy ni th’abi tolang ngalang, mu pining e sorok ngak, nge gimed e ran ni gimed bay u daken lanelang!

Isaiah 19:1

Irera’ e thin u murung’agen yu Egypt. I SOMOL e ke yib ni nge yib nga Egypt, ni be yib u daken bang i manileng nib papey. Ma fapi liyos nu Egypt e be duru’ u puluwon, ma ke mulan’ e girdi’ nu Egypt.

Amos 9:6

I SOMOL e toy tafen u lan e pi tharmiy, me pulpuluy lane lang nga daken e fayleng. I pining e ran nifan ko regur me pu’og nga daken e fayleng. I SOMOL fithingan!

Nahum 1:3

I SOMOL e ba sowath nma damumuw, machane ir e ba gel gelngin ma der ma pag e pi’in kireb ndabi gechig nagrad. Yungin ma yan SOMOL riy e ma sum yungi yoko riy; pi manileng e aram e fiyath ni be tar u rifrifen ay.

Matthew 26:64

Me fulweg Jesus ngak ni ga’ar, “Bod rogon ni kamog. Machane nggog ngomed ni gimed gubin ni nge lungug: chiney i yan ngam’on e bay mu guyed e en ni Fak e Girdi’ nike par nga but’ u ba’ ni mat’aw rok fa’anem ni Gubin ma Rayag Rok, ni be yib u lang nga but’ ni bay u daken e manileng!”

Deuteronomy 33:26

Gimed yu Israel, ndariy reb e kan ni bod e Got romed, ma yan u lanelang ni be galgael ram’en, ma yib i kuruf e manileng nge yib i ayuwegmed.

Revelation 1:7

Mu sapgad, bay yib ngodad u daken e manileng! Ma gubin e girdi’ ni bay ra guyed, nib mu’un e pi’in nra kurfed p’eyon ngay. Ma urngin girdi’en e pi nam nu roy u fayleng e bay ra yorgad ni ba ga’ lamrad ni bochan. Rib muduwgil ni aray rogon! Amen.