Psalms 104:19 - Bible Ni Thothup

¹⁹ Mu sunumeg e pul ni nge turguy e yu pul; ma yal’ e manang e ngiyal’ ni nge ling.

Psalms 104:19 Σταυροειδείς Αναφορές

BABYOR NI JOB 38:12

Job, bay ba ngiyal’ ni ka’a yugu mog ni nge puf e woch me puf?

Psalms 19:6

Be tabab u baraba’ e lang, nge yan i aw nga but’ nga baraba’. Dariy ban’en nrayag ni nge mith u gowelngin.

Psalms 74:16

Gur e mu sunmeg e rran nge nep’; kam tay e yal’ nge pul nga tagil’.

Psalms 8:3

Fa’an gu ra yaliy lanelang ni gur e kam sunumiy, nge pul nge pi t’uf riy, ni gur e mu ayliyrad nga tagil’rad,

Jeremiah 31:35

I SOMOL e ke pi’ e yal’ ni nge pi’ e tamilang ni rran, ma ke pi’ e pul nge pi t’uf ni nge gal nnep’. I ir e pug e day nge chub lingan; i SOMOL ni Gubin ma Rayag Rok fithingan.

Deuteronomy 4:19

Gimed ra sap ngalang ni mu guyed e pin’en nib sug riy, ni aram e yal’ nge pul nge t’uf, ma ngam guyed rogon nge dab mu ted fan ara mu meybilgad ngay. Ya SOMOL ni Got romed e ke pi’ e tiney ngak yugu boch e nam u gubin yang yad be tayfan,