Psalms 104:17 - Bible Ni Thothup

¹⁷ Ireram e gin be toy e arche’ taferad riy; arche’ ni stork e ka ra toyed taferad u ran’ e gek’iy ni fir.

Psalms 104:17 Σταυροειδείς Αναφορές

Psalms 104:12

Ma yu ke gek’iy nib chugur ko pi ran nem e ke toy e pi arche’ taferad nga l’ugun yad be tang.

Jeremiah 22:23

Mu toffan nib pagan’um u fithik’ fapi ren ni cedar ni kan feku Lebanon; machane bu uw gelngin e gafgow ni ga ra tay u nap’an nra gadem e amith, ni amith ni bod be’ ni bpin ni nge gargel.

Jeremiah 8:7

Mus ko arche’ ni stork ma manang e ngiyal’ ni nge sul; ma dove, nge swallow, nge thrushe e yad manang e ngiyal’ ni ngar milekaggad, machane gimed e girdi’ rog e damnanged fapi motochiyel ni ir e gu gagiyeg nagmed ngay.

Ezekiel 31:6

Gubin mit e arche’ nrabad ra toyed tafen pifakrad nga papa’ngin, Gamanman ni malboch e rabad ra gargeleged pifakrad nga tanggin. Pi nam nu fayleng e urgifgad ko taglul’ riy.

Daniel 4:21

ma bfel’ ya’an yuwan, ma wom’ngin e ra gaman gubin e girdi’ nu fayleng riy. Gamanman ni malboch e yad ma par u tanggin, ma ke toy e arche’ taferad nga fithik’ i papa’ngin.

Levitikus 11:19

stork, heron ni demtrug ko mitin ngan riy, hoopoe nge magl’aw.

Obadiah 1:4

Yug aram rogon ni kam ngongliy tafnam ni bod feni tolang tafen e arche’ ni eagle ni yira ga’ar ke ma’thuk nga fithik’ e t’uf, ma ngug girngiyem nga but’.

Matthew 13:32

me fek be’ nge wereg nga daken e milay’ rok, ma fa’ani tugul me yan i par ni ir e th’abi ga’ u fithik’ urngin e woldug. Me ga’ nge par nike mang ba ke gek’iy, ma aram me yib e arche’ i toy tafen nga fithik’ i papa’ngin.”