Psalms 104:13 - Bible Ni Thothup

¹³ Ga be pi’ e n’uw u lanelang be yib nga daken e pi burey, ma fayleng e ke sug ko pi tow’ath rom.

Psalms 104:13 Σταυροειδείς Αναφορές

BABYOR NI JOB 38:37

Mini’ e rib gonop nrayag rok ni nge the’eg e manileng me ngololeg nge pu’og e n’uw,

Psalms 104:3

ma kam tay e naun rom nga daken e ran u lang. Pi manileng e ke mang chariot rom, ma ga be yan u daken pon e nifeng.

Psalms 147:8

Ir e filath e manileng nga lanelang; me pi’ e n’uw ni fan ko but’ me tugulnag e pan u daken e pi burey.

Jeremiah 10:13

Ra pag SOMOL lungun me chub lingan e ran u lanelang; me girengiy e manileng u tungun e fayleng. Me mat ra’en e uluch u fithik’ e n’uw me pi’ e nifeng nge yan ko gin ma chubgiliy riy.

Jeremiah 14:22

Dariy reb fapi liyos ko pi nam nrayag ni nge gagiyegnag nge aw e n’uw; lanelang ni go’ ir rok, e dabyag ni nge gagiyegnag nge aw e n’uw. SOMOL, ni Got romad, ku gu pired ni gur e ke l’agan’mad ngom, ya gur e ga be rin’ e pin’ey.

Amos 9:6

I SOMOL e toy tafen u lan e pi tharmiy, me pulpuluy lane lang nga daken e fayleng. I pining e ran nifan ko regur me pu’og nga daken e fayleng. I SOMOL fithingan!

Matthew 5:45

ya nge yag ni mmanged pifak e Chitamangimed ni bay u tharmiy. Ya be mateg ram’en e yal’ rok nga daken e girdi’ nib tagan nge girdi’ ni bfel’ nta’reb rogon, ma be pi’ e n’uw ngak e pi’in yad be rin’ e tin nib mat’aw nge pi’in yad be rin’ e tin nib kireb.

Acts 14:17

Machane gubin ngiyal’ ni be micheg ir u daken urngin e tin ni bfel’ ni be rin’, ya ma pi’ e n’uw ngomed u lang nge galwog u ngal’an; me ir e ma pi’ e ggan ngomed mma fal’eg lanin’med.”

Deuteronomy 11:11

ma biney e nam ni ngam marod ngay e ba nam ni go’ burey nge loway, ni but’ riy e n’uw e ma tarannag.