Psalms 103:22 - Bible Ni Thothup

²² Gimed urngin e tin ni sunumiymed SOMOL, mu pininged e sorok ngak u gubin yang e yungi n’en ni be gagiyeg riy! Lanin’ug, mu pining e sorok ngak SOMOL!

Psalms 103:22 Σταυροειδείς Αναφορές

Psalms 103:1

Lanin’ug, mu pining e sorok ngak SOMOL! Polo’ i gag, mu pining e sorok nga fithingan nib thothup!

Psalms 104:1

Lanin’ug, mpining e sorok ngak SOMOL! A SOMOL ni Got rog, rib sorom! Fanam rir nge fanam maluplup’ e kemang mad rom;

Psalms 104:35

Mang e yugun nthang mit urngin e pi tadenen nu fayleng; mang e math mit e pi’in kireb! Lanin’ug, mu pining e sorok ngak SOMOL! Mu pining e sorok ngak SOMOL!

Psalms 145:10

SOMOL, urngin e tin kam sunumeg e bay ur pininged e sorok ngom, ma tirom e girdi’ e bay ur pininged e magaer ngom!

Psalms 145:21

Bay ug pining e sorok ngak SOMOL ni gubin ngiyal’; urngin e tin ke sunumeg e ngu’ur pininged e sorok nga fithingan nib thothup ndariy n’umngin nap’an!

Psalms 146:1

Ngan pining e sorok ngak SOMOL! Lanin’ug, mu pining e sorok ngak SOMOL!

Psalms 148:1

Ngu’un pining e sorok ngak SOMOL! Ngu’um pininged u tharmiy e sorok ngak SOMOL, ni gimed e pi’in gimed be par u tharmiy nib tolang ngalang!

Psalms 150:6

Gimed urngin e pin’en nib fos e ngam pininged e sorok ngak SOMOL! Ngu’un pining e sorok ngak SOMOL!

Isaiah 43:20

Mus ko gamanman ni malboch ni bayi tay fag; gamanman ni jackal nge arche’ ni ostrich e bay ra pininged e sorok ngog ko ngiyal’ ni bay gu gagiyegnag e lul’ nge yan u lan e ted ni desert, ya nggu pi’ e ran ngak e girdi’ rog ni gag e gu mel’egrad.

Isaiah 44:23

Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.

Isaiah 49:13

Lanelang, mu tang! Fayleng, mu tolulnag e felfelan’! Me tang e pi burey! Ya SOMOL e bayi fal’eg laniyan’ e girdi’ rok; bayi runguy e girdi’ rok ko gafgow ni yad be tay.