Psalms 100:4 - Bible Ni Thothup

⁴ Marod ngalan e pi garog ko Tempel rok ni gimed be pining e magaer ngak, marod ngalan e yoror rok nib thothup ni gimed be pining e sorok ngak! Mu pininged e magaer ngak mi gimed pining e sorok ngak!

Psalms 100:4 Σταυροειδείς Αναφορές

1 Kronicles 29:13

Got romad, chiney e gamad be pining e magaer ngom, ma gamad be pining e sorok nga fithingam nib mathangeluwol.

1 Kronicles 29:20

Ma aram me yog David ngak fapi girdi’ ni ga’ar, “Ngu’um pininged e sorok ngak SOMOL ni Got romed!” Ma fa ulung i girdi’ ni gubin e ra pininged e sorok ngak SOMOL, ni Got rok e pi chitamngirad, miyad siro ni yad be liyor ngak SOMOL nge fare pilung.

Psalms 122:2

Ere chiney e kugbad ngay, ni gamad ba sak’iy u lan e pi garog u Jerusalem!

Psalms 122:4

Ireray e gin i par e pi pilung nu Israel riy, ngu ur pufthin niged e girdi’ rorad riy. ni ngar pininged e magaer ngak SOMOL, ni bod rogon ni yog ni ngan rin’.

Psalms 65:1

A Got, girdi’ e thingar ur pininged e magaer ngom u Zion miyad pi’ ngom e tin rmicheged ni bay ra pi’ed ngom,

Psalms 66:13

Bay gu fek e maligach ni mo’oruf i yib ko naun rom; bay gu pi’ ngom e n’en kug micheg.

Psalms 95:2

Ngadbad nga p’eowchen ngad pininged e magaer ngak, ma gadad tangnag u fithik’ e felfelan’ ni gadad be pining e sorok ngak!

Psalms 96:2

Mu tang niged SOMOL ngam pininged e sorok ngak! Gubin e rran ni ngam weliyed ngak e girdi’ fare thin ni bfel’ ni murung’agen nike mat’aw nagdad ngak!

Psalms 96:8

Mpininged e sorok nga feni maluplup fithingan SOMOL; mfeked ba maligach ngam badnag ngalan e Tempel rok.

Psalms 99:3

Gubin e girdi’ ni bayi pining e sorok nga fithingan nib rir ma ba gilbugwan. Ir e ba thothup!

Isaiah 35:10

Ma bay ra tawgad nga Jerusalem nike felan’rad, ni yad be tang ma yad be tolulnag e felfelan’. Ma bay ur pired ni yad be felfelan’ ndariy n’umngin nap’an, ndabki yib e kireban’ nge gafowan’ ngorad.

Hebrews 13:15

Ere ngu’ud pininged e magaer nge sorok’ ngak Got ni gubin ngiyal’ ni ir e maligach rodad ngak u daken Jesus; ni aram e re maligach ni gad be pi’ u dap’ilangdad ni gadad be yog ni ir e Somol.