Proverbs 8:5 - Bible Ni Thothup

⁵ Mogned, kigimed be par ni leam ko bitir e bay romed? Mu filed rogon ni ngam leamgad ni bod e pi’lal. Mogned, kigimed bbalyang? Mu filed rogon ni ngam gonopgad.

Proverbs 8:5 Σταυροειδείς Αναφορές

Psalms 19:7

Motochiyel rok SOMOL e rib yal’uw, ra pasignag lanin’uy me pi’ gelngiy; ma tin be yog ni murung’agen SOMOL e ba riyul’ mma pi’ e gonop ngak e pi’in ndariy rorad.

Psalms 94:8

Girdi’ rog, mang e gimed mrin’ ni gimed balyang ni minan’? Fin wi’in e nge mit ban’en ngomed?

Proverbs 1:22

“Gimed e girdi’ ni balyang! Uw n’umngin nap’an ni gimed ba’adag ni ngam pired ni ara’ rogomed? Uw n’umngin nap’an ni ngam pired ni gimed be moningnag e gonop nge llowan’? Mingiyal’ e finra mit ban’en ngomed?

Proverbs 1:32

Girdi’ ndawori yo’or ban’en nikar guyed e yad be yim’, ya bochan e yad be siyeg e gonop. Girdi’ ni pinat e yad be yim’, ni bochan e dariy ban’en ni bay fan u wan’rad.

Proverbs 1:4

Ppi thin ney e rayag ni nge ayuweg e pi’in ndawori yo’or ban’en nike guy nge tamilangan’rad, me fil ngak e pi’in pagel rogon ni ngu’ur gonopiyed ban’en.

Proverbs 3:35

Girdi’ nib gonop e bfel’ bugwarad, machane girdi’ nib pinat e ra mun daken e ma’fan ni yad bmata’.

Proverbs 8:12

I gag Gonop e bay e tamilangan’ rog, bay e llowan’ rog nge rogon i duwgiliy ban’en me yan i aw ni bfel’.

Proverbs 8:4

“Gu be wenig ngomed e girdi’; gu be non ngak urngin e girdi’ nu fayleng.

Proverbs 9:4

“Mired e ngaray, e girdi’ ni gelan’!” Me ga’ar ko en ni balyang,

Isaiah 42:13

SOMOL e ke yan ni nge mael nrogon be’ nib falu’ ma ba sorok; ke fal’eg rogon ni fan ko mael. Bayi tolulnag ni ngan mael; me dag gelngin nib togopluw ngak e pi to’ogor rok.

Acts 26:18

Me gur e ngam pithig owcherad ngam pingegrad ngar pi’ed keru’rad ko lumor miyad sap ko tamilang, ma ga pingegrad ngar pi’ed keru’rad nga gelngin Satan miyad pigicheal ngak Got, yu daken e michan’ rorad ngog e bayi n’ag Got fan e denen rorad riy me yag ngorad tagil’rad u fithik’ e pi’in ke mel’egrad Got ni ngar manged girdi’en.’

1 Korinth 1:28

Ke mel’eg e pi’in be tafinaynag e fayleng ni yad ba sobut’, ma dabun e girdi’ dakenrad, ma yibe finey ndariy rogorad, ni fan e nge darifannag e tin be finey e girdi’ nu fayleng ni ir e ba ga’ fan.