Proverbs 8:21 - Bible Ni Thothup

²¹ ma gu be yo’ornag ban’en rok e pi’in gu ba t’uf rorad, ni gu be suguy e pi naun rorad ko pi machaf.

Proverbs 8:21 Σταυροειδείς Αναφορές

Genesis 15:14

Machane bay gu gechignag e re nam ni yad ra yodorom nagrad, ma bo’or e machaf ni yad ra chuw ko re nam nem miyad fek.

Psalms 16:11

Bay mu dag ngog fare pa’ i wo’ ko yafos; i gur e kam suguyeg ko felfelan’, ya ga bay rog, ma ayuw ni ga be tay ngog e bay i pi’ e felfelan’ ngog ndariy n’umngin nap’an.

Proverbs 1:13

Gadad ra pir’eg urngin mit e pin’en nib t’uf ma ba tolang puluwon, ma gadad suguy e naun rodad ko pin’en ni kad iringed!

Proverbs 10:22

I SOMOL e ke fel’eg wa’tham kam fla’ab. Math’kenyil’ e dabi yon’ daken e fla’ab rom.

Proverbs 15:6

Pi’in mat’aw e ma par e fla’ab rorad u pa’rad, ma pi’in kireb e ra yib e gafgow me mul e fla’ab rorad u pa’rad.

Proverbs 21:20

Pi’in nib gonop e yad ma par ni bfel’ rograd ma ba yu’ e urngin ngorad, ma girdi’ ni pinat e yad ma wereg e salpiy rorad u payngin ni be yib nga pa’rad.

Proverbs 24:4

Ra bay e llowan’ riy, ma pi senggil e bay e pin’en nib t’uf ma ba tolang puluwon maba gamog riy.

Proverbs 6:31

ma fa’an nni kol, ma thangri pi’ puluwon ni medlip yay — thangri pi’ gubin ban’en ni bay u pa’.

Proverbs 8:18

Pin’en ni bfel’ nge tayfan e bay u pa’ag ni gu ra pi’, nge fel’ rogon nge mon’og.

Proverbs 8:20

Gu be yan u kanawo’en e tin nib mat’aw, ngu daken e wo’ nib yal’uw,

Matthew 25:46

Ere picha’ ney e bay ni pi’rad ko gechig ndariy n’umngin nap’an; ma pi’in yad bmat’aw e bay ranod ko yafos ndariy n’umngin nap’an.”

Roma 8:17

Ere fa’anra kad manged pifak, mrayag ngodad e fla’ab nike tay ni fan ko girdi’ rok, ma kagdad ra un ngak Kristus ngad fanayed e tin ke tay Got ni fen; ya fa’anra gadad be un ko gafgow ni tay Kristus, ma ka gadad ra un ko fla’ab rok.

Hebrews 10:34

Mu uned ko gafgow ni i tay e pi’in ka nin’rad nga kalbus, ma fa’an nni fek urngin e chugum romed u fithik’ e yargel mi gimed k’adan’med ko chugum romed ni kan fek, ma gimed ba felfelan’ ngay, ya gimed manang ni kabay ban’en romed ni kabfel’ ngay, ni bayi par ni dabi m’ay bi’id.

1 Peter 1:4

ere gadad be son ni nge yag ngodad e fla’ab ni ba ga’ nike cha’riy Got ni fan ngak e tirok’ e girdi’, ni be cha’riy e pi tow’ath nem u tharmiy ni fan ngomed ko gin ndabiyag ni nge wod riy ara kireb fe kaday.

Revelation 21:7

En nra gel nde pag ir ko kireb e ba’aray e n’en gu ra pi’ ngak: gu ra mang Got rok, ma gu ra fakay.

1 Samuel 2:8

Ir e ma pug e pi’in gafgow u fithik’ e fiyath ngalang ma chibiy e pi’in nib t’uf e ayuw rorad ngalang nge chuwegrad u fithik’ e gafgow rorad. Ma gagiyeg nagrad ngar manged pi tafager rok pifak e pilung, me tayrad ko yungi n’en nra un tay farad riy. Pi def ko fayleng e ba mil suwon ngak SOMOL; nu daken e ayliy e fayleng ngay.