Proverbs 7:25 - Bible Ni Thothup

²⁵ Dab mpaged be’ ni bpin ni aram rogon nge ban nagmed nge l’agan’med ngak; dab mmarod ni gimed be lol’oeg e mit nem e bpin.

Proverbs 7:25 Σταυροειδείς Αναφορές

Psalms 119:176

Gu be deraw ni bod ba saf nike malog; are moy ngam changar nigeg, i gag e tapigpig rom, ni bochan e dawor gu n’ag e motochiyel rom.

Proverbs 5:23

Yad ra yim’ ni bochan e darir t’ared lanin’rad. Feni gel e pinat rorad e ra suruyrad i yan nga low.

Proverbs 5:8

Mu pired u orel ko mitney e bpin! Dab mu chugurgad nga taga’ mab rok!

Proverbs 6:25

Dabi unan’um ko pidorang rorad; dab mmul ni bochan e dawol u owcharad ngom.

Proverbs 7:26

Ya ke thiyarnag bo’or e pumo’on, ma pumo’on nike k’aring e yam’ ngorad e dabkiyag i the’eg.

Proverbs 9:15

ngi i tolul ko girdi’ ni be yan ni tirorad e yad be nameg ni be ga’ar:

Isaiah 53:6

Gadad gubin ni gadad bod e saf ni yan ngabang, ra bagadad me yan ko gin be leamnag. Me gagiyegnag SOMOL e gechig nge aw ngak, ni fare gechig ni gadad gubin ni bay tapgin ni nge aw ngodad.

Matthew 5:28

Machane nggog ngomed e chiney, ni en nra sap ngak be’ ni bpin me finey ni manga yugu ra pirew, e ke kireb e rok, ni fan e kar pirew u fithik’ i laniyan’.