Proverbs 7:21 - Bible Ni Thothup

²¹ Be guy rogon ni nge m’agan’ fare pagel ngak, me pag fare pagel ir ngak ni bochan e thin rok nrib sumunguy.

Proverbs 7:21 Σταυροειδείς Αναφορές

2 Kings 4:8

Me reb e rran me yan Elisa nga Shunem. Me yib be’ ni bpin nib tolang i pining nge yib nga tafen nge un ko abich, ma aram ma gubin ngiyal’ nra be milekag Elisa ni taw ngaram me tal ko re tabinaw nem nge un ko abich.

Nehemiah 6:4

Aningeg yay nra pi’ew e thin ngog ni nggu mada’gad, mra taw bayay e mulwol rorow ma ta’ab fulweg e ug pi’.

Psalms 12:2

Yad gubin ni yad be ban nigedyad; yad be pi’rad ngalang ko thin.

Proverbs 5:3

Thin u dap’ilugun le’engin be’, e rayag nib athib ni bod e honey ma pi kiss rok e rib munguy ni bod e gapgep ni olive,

Proverbs 6:24

Rayag ni nge tem u orel ko ppin ni kireb, nge pi thin ni darngal rok yug boch e ppin ni yad mmabgol.

Proverbs 7:22

Me un ngak ngranow ni bod ba garbaw ni pumo’on ni ngan li’ ngem’, ma ku bod ba gamanman ni deer ni be yif ay i yan ni nge yan i tay ngalan ba wup,

Proverbs 7:5

Ya ra tem u orel rok pi le’engin yug boch e pumo’on, me tem u orel rok e pi’in ppin ni bfel’ e thin ni yad be yog, machane yad be guy rogon e pumo’on ni nge aw ko wup rorad.

Luke 14:23

Me ga’ar fare masta ngak fare tapigpig, ‘Mman ko yu pa’ i kanawo’ ni ba’ nga wuru’ e binaw nge noch pa’ i kanawo’ nruw raba’ ma yoror, ngam non ngak e girdi’ riy ngarbad nga naun, nge yag ni sug e naun rog.

Luke 24:29

machane miyow taleg ni be lungurow, “Mu par romow; ya ke chugur ni nge m’ay e biney e rran ma ere nge aw e lumor.” Ma aram me un ngorow nga naun ni nge par rorow.

Acts 16:15

Ma aram min tawfenag e re pin nem nge girdi’ nu tabinaw rok. Me yog ngomad ni nggu warod nga tabinaw rok ni ga’ar, “Ngambad ngam pired u tabinaw rog, ni fa’anra ke muturug u wun’med nike mich u wun’ug Somol.” Me wenig ngomad ni nggu warod.

2 Korinth 5:14

Gelngin fanmad t’uf rok Kristus e ir e be gagiyeg nagmad, ya kug nanged ni ta’reb e girdi’ e yim’ ni fan ngak urngin e girdi’, ni fan e ren’em e urngin e girdi’ ma kar uned ngak ko yam’.

Judges 14:17

Me par ni be yornag u lan fa medlip i rran ni yibe madnomnag e mabgol rorow. Me chirofen ni gaman e medlip ngay me weliy fan fare salipow ngak, ya yug be me’eriyognag murung’agen ngak. Ma aram me weliy ngak piyu Filistia.

1 Samuel 28:23

Me ga’ar Saul e dabi kay ban’en. Machane pi tolang ni yad bay u tan pa’ e ur tawasergad ngak ni nge kay ban’en. Aram me fol rorad, me suwon nge par nga daken e chob.