Proverbs 7:2 - Bible Ni Thothup

² Mu rin’ e tin kugog ma ga fos; ngar mu guy rogon ngu’um fol ko machib rog ni bod rogon ni ga ma guy rogon ni ngu’um ayuweg lan owchem.

Proverbs 7:2 Σταυροειδείς Αναφορές

Psalms 119:144

Fonow rom e bayi par ni gubin ngiyal’ nib mat’aw; mu tamilang nigeg, mu gu par ni gubfos.

Psalms 17:8

Mu ayuwegneg ni bod ni ga ma ayuweg e tir u marwam; mmithaggeg ko taglul’ u tan pom,

Proverbs 4:13

Mu tay uwun’um e n’en kamfil ni gubin ngiyal’. Tin kamfil e aram e yafos rom — mu chathowliy ni bfel’ rogon.

Proverbs 4:21

Dariy e ngiyal’ ni ngam pag nge chuw u lanin’um. Mu tafnayam riy mag cha’riy u lanin’um.

Proverbs 4:4

mi i machib nageg e chitmag. I yog ni ga’ar, “Mu tafeniyam ko tin gu be yog ma dariy bi’id ni ngam pagtalin. Mu rin’ e n’en kugog ma ga par ni gabfos.

Isaiah 55:3

“Gimed e girdi’ rog, mu telmed, mi gimed yib ngog; mired ngog, me yag e yafos ngomed! Bay gu ngongliy ba m’ag u thildad ni bay i par ni dariy n’umngin nap’an, mu gu pi’ ngomed e pi tow’ath ni gu micheg ngak David.

Jeremiah 38:20

Mug ga’ar, “Dab ni pi’em nga pa’rad. Wenig ngom mu fol ko thin nike yog SOMOL ni bod rogon ni kug weliy ngom; ma aram e dariy ban’en nra buch rom, ma dab kun thang e fan rom.

Levitikus 18:5

Mu folwokgad ko tin kug duwgiliy ni ngu’um rin’ed nge pi motochiyel ni kug pi’ ngomed; gimed ra rin’ ni aray rogon migmed par ni dabi buch banen romed. I Gag SOMOL.”

Zekariah 2:8

En nra bat nag bigmed e ke bat nag e n’en th’abi fel’ u wun’ug.” Ere SOMOL ni Gubin ma Rayag Rok e ke l’ogeg ni nggog e thin rok ko pi nam ni ur giliw niged e girdi’ rok:

John 14:21

“En nra fel’ u wan’ e tin kug ta’chiylen ngomed me fol riy, e ireram e cha’ ni gub t’uf rok. Chitamag e ra t’ufeg e cha’ ni gub t’uf rok; ma ku er rogog ni ra t’uf rog mu gguy rogon nge nangeg.”

John 15:14

Ma gimed e pi tafager rog, ni fa’an gimed ra rin’ e tin kug ning chiylen ngomed.

Deuteronomy 32:10

“I piri’egrad ni yad be yanyan u daken e ted ni desert, ni bangi ted nder par be’ riy ma ba gel e nifeng riy. Me par ni ir e ke mang yoror ngorad ma be ayuwegrad, ni bod feni t’uf lan mit rok.

Revelation 22:14

Nge felan’ e pi’in ni kar lukniged e mad rorad ke be’ech, ya bay mat’awrad ni ngar ked wom’ngin fare ke gek’iy ko yafos, miyad yan u langan fapi garog ngalan fare binaw.