Proverbs 4:23 - Bible Ni Thothup

²³ Mmokol ayuw u rogon ni ga be leam; ya lanin’um e be duwgiliy rogon e yofos rom.

Proverbs 4:23 Σταυροειδείς Αναφορές

2 Kings 10:31

Machane Jehu e de fol ni polo’ i laniyan’ ko Motochiyel rok SOMOL, ni Got nu Israel; ya n’en ni rin’ e ki folwok rok Jeroboam, ni waliy yu Israel nga fithik’ e denen.

Proverbs 11:16

Be’ ni bpin nib gol e yira tayfan, ma be’ ni bpin nib kireb pangin e ba thiyar. Girdi’ ni gamead e dariy bingyal’ nrayag e salpiy ngak, machane girdi’ ni gelfen e ra yo’or e salpiy rorad.

Proverbs 13:3

Ngam kol’ayuw ko thin ni ngamog ngam ayuweg e pogofan rom. Be’ nma non nder kol’ayuw e ir e yib e gafgow riy ngak.

Proverbs 16:17

Pi’in yad bmanigil e yad ma yan u kanawo’ nib gilaf ko kireb; ere mu fal’eg i yaliy e gin ga be sor ngay — rayag ni nge ayweg e yafos rom.

Proverbs 22:5

Fa’anra ba t’uf rom e pogofan rom, ma ngam par u orel ko pi wup ni bay u kanawo’ ni girdi’ ni kireb e ma aw ngay.

Proverbs 23:19

Fakag, mu telim, um par ni ga ba gonop, ma ga be fal’eg i leamnag rogon e par rom.

Proverbs 28:26

De fel’ ni ngam lek tabon lanin’um. Mu fol ko pi fonow rok e pi’in yad ba gonop ma ga par ni dabi buch ban’en rom.

Proverbs 3:21

Fakag, mu chichi’iy pa’am ko gonop rom nge nangan’. Dariy e ngiyal’ ngam pithig pa’am riy nge chuw rom.

Proverbs 4:7

Gonop ni nge yag ngom e ireram e n’en th’abi ga’fan ni ga ra rin’. Ma tin kabay ni nge yag ngom e nangan’.

Eklesiastes 5:13

Ba’aray ban’en ni rib kireb ni gguy u roy u fayleng: girdi’ nma cha’riy e salpiy ni fan ko ngiyal’ nra t’uf rok,

Jeremiah 17:9

“Mini’ e rayag ni nge nangfan lanyan’ e girdi’? Dakriy yug reb e ban’en ni aram feni sasaliyab; ke pag rogon feni m’ar ni dabki gol.

Matthew 15:18

Ma pin’en nra yib u lan l’uguney nga but’ e yib u lanin’uy; ireram e pin’en ni ir e ma alitnag be’.

Matthew 15:19

Ya laniyan’ be’ e ma yib e leam nib kireb riy ni ir e ma pingeg fa’anem nge li’ be’ ngem’, fa ra pirew be’ ni gathi mabgol rok, ma be rin’ yugu boch ban’en ni aram e ngongol ko darngal; me moro’ro’ u fithik’ e yargel, me lifith l’ugun, me t’ar e thin nga daken e girdi’.

Mark 14:38

Me ga’ar ngorad, “Um odgad ngu’um meybilgad ngak Got nge siy mpaged gimed ngak e pin’en nma pingeg e girdi’ nge denen. Ya lanin’uy e ba’adag, ma dowef e bme’waer.”

Luke 6:45

Be’ ni bfel’ e ma fek e tin ni bfel’ ko pin’en nib manigil nike kunuy nga laniyan’; ma be’ nib kireb e ma fek e tin nib kireb ko tin nib kireb ban’en nike kunuy nga laniyan’. Ya ra be’ ma be yog l’ugun e pin’en nib sug u laniyan’.”

Deuteronomy 4:9

Ngar mu ayuwgad! Ngar mu guyed rogon nge dab mpaged talin e tin kam guyed nga owchemed. Mu guyed rogon nge dabi m’ay u wun’med u n’umngin nap’an e yafos romed. Ngu’um weliyed ngak pifakmed nge pifak pifakmed

Hebrews 12:15

Mu ayuwgad nge dabi pi’ bigimed keru’ ko runguy rok Got ngodad. Mu ayuwgad nge dabi bod bigimed ba ke pan nib mo’oy ni ilal nge gafgownag bo’or e girdi’ ko yub rok.