Proverbs 3:34 - Bible Ni Thothup

³⁴ Dariy rogon e girdi’ ni ufanthin ngak, machane ma dag ngak e pi’in nib sobut’an ni yad ba t’uf rok.

Proverbs 3:34 Σταυροειδείς Αναφορές

Psalms 138:6

Yug aram rogon nri gab tolang ngalang, ma ga ma runguy e pi’in yad ba sobut’, ma pi’in ba tolangan’rad e dabyag ni ngar mithgad rom.

Psalms 18:26

Ga ba machalbog ko pi’in yad bmachalbog, machane ga ma dumpamam ko pi’in yad ba kireb.

Proverbs 1:26

Ere nap’an nra l’ag e oloboch ngomed ngam gafgowgad, ma gura minmin ngomed. Nap’an nra aw e gafgow ngomed ma gura moning nagmed,

Proverbs 14:9

Girdi’ nib balyang e dariyfan u wan’rad ni yad ra denen, ma girdi’ ni manigil e ba’ndag ni ngan n’agfan e kireb rok.

Proverbs 16:19

Kabfel’ ni ngam sobutan’ ma ga par ni ga ba gafgow ko bin ngam mang be’ nib tolangan’ ngam un i f’oth e tin kar laged u fithik’ e yargal.

Proverbs 19:29

Be’ nib thogolngan’ ma bbalyang e rib muduwgil ni yira pirdi’iy.

Proverbs 21:24

Mu dag be’ ngog nib ufanthin ma bay gu dag be’ ngom nib tolngan’, ma ba yowlop, ma ba fel’ngak.

Proverbs 9:12

Fa’anra bay e gonop rom me gur e ra yib e fel’ riy ngom, ma fa’an ga ra siyeg me gur e ga ra gafgow.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

James 4:6

Ya ayuw nma pi’ Got ngodad e rib gel. Ya be yog e babyor nib thothup ni be ga’ar, “I Got e ma togopluw ngak e pi’in nib tolangan’rad, ma ma ayuweg e pi’in nib sobut’an’rad.”

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”