Proverbs 3:32 - Bible Ni Thothup

³² ya SOMOL e ba fananikan e girdi’ nma rin’ e kireb, machane ma fek e girdi’ nib mat’aw ngar manged tafger rok.

Proverbs 3:32 Σταυροειδείς Αναφορές

BABYOR NI JOB 29:4

Aram e pi rran ni i fel’ rogog riy, ma thilmow Got ni i par ni bfel’ e i yororiy e tabnaw rog.

Psalms 18:26

Ga ba machalbog ko pi’in yad bmachalbog, machane ga ma dumpamam ko pi’in yad ba kireb.

Psalms 25:14

SOMOL e tafager rok e pi’in yad be fol rok, ma micheg ngorad e m’ag u thilrad.

Proverbs 11:20

I SOMOL e ma fananikay e pi’in kireb lanin’rad, ma bt’uf rok e pi’in yad ma ngongol ni bfel’.

Proverbs 14:10

Felfelan’ rom e fanam; kirban’ rom e fanam. Dariy be’ nra fana’ boch.

Proverbs 17:15

Be’ ni bfel’ e rok nni gechignag ara be’ nni pag nge yan nib buch e rok — gali n’em e ba fananikay SOMOL.

Proverbs 8:13

Ra ngan par ni bay madgun SOMOL u wun’uy, ma aram e nga ni fanenikay e tin kireb; dabug e ufanthin nge tolngan’, nge ngongol nib kireb nge thin ni yima yog nde riyul’.

Isaiah 41:24

Gimed nge urngin e tin gimed be rin’ e mm’ay fan; pi’in yad ma meybil ngomed e ri yad ba sonsonogor!

Matthew 11:25

Ngiyal’ nem me ga’ar Jesus, “Chitamag, ni gur e Somol nu tharmiy ngu fayleng! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul.

Matthew 13:11

Me fulweg Jesus ngorad ni ga’ar, “Gimed e kan weliy ngomed kam nanged fan e tin nda nnang ni murung’agen e gagiyeg nu tharmiy, machane yad e dawor.

Luke 16:15

Me ga’ar Jesus ngorad, “Gimed e pi’in gimed be dake moding niged gimed u p’eowchen e girdi’, machane Got e manang lanin’med. Ya n’en nma tafinaynag e girdi’ ni ir e th’abi ga’ fan e ban’en ndariyfan u p’eowchen Got.

John 15:15

Aram e dab kugog ni gimed e tapigpig rog, ya be’ nib tapigpig e de nang e n’en ni be ngongliy e en ni masta rok. Machane nggog ni gimed e tafager rog, ni bochan e kug weliy ngomed urngin e tin kug rung’ag rok e Chitamag.

John 7:17

En nib m’agan’ ngay ni nge rin’ e tin ni ba’adag Got e ra nang ko tin ni gu be machibnag e yib rok Got, ara gu be weliy ni gag e thin rog.

Revelation 2:17

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Fare manna nib mith e bay gu pi’ boch ngak e pi’in yad ra gel ndar paged yad ko kireb; ma ku bayi bagayad mu gu pi’ bangi malang nib wech ngak, ni kan yoloy reb e ngachal nib be’ech nga daken, ndariy be’ ni manang e binem e ngachal ya kemus ni en ni kan pi’ ngak e manang.”