Proverbs 3:24 - Bible Ni Thothup

²⁴ Ma dab mu rus ko ngiyal’ ni ga ra yan nga chob, ma ga mol ni n’umngin e nep’ nib mola’ram.

Proverbs 3:24 Σταυροειδείς Αναφορές

2 Kronicles 20:30

ma aram me par Jehoshafat ni be gagiyeg u fithik’ e gapas, me yoror Got rok u gubin yang.

BABYOR NI JOB 11:19

Ma dab kumrus ngak e pi to’ogor rom; ma bo’or e girdi’ ni bay ur ninged e ayuw ngom.

Psalms 112:8

Der ma magfan ma der ma rus; ya ri manang ni bayi guy e pi to’ogor rok ni kar waergad.

Psalms 127:2

Dariy fan ni ngan toer ko maruwel nib gel ni yibe tay, ni ngan od nri kakadbul min mol nike n’uw e nep’, ya SOMOL e ir e ma pi’ ngak e pi’in yad ba t’uf rok e tin ke t’uf rorad, u nap’an ni ku yad be mol.

Psalms 3:5

Gu pageg nga but’ ni nggu mol, ma SOMOL e be yoror rog ni n’umngin e nep’.

Psalms 3:6

Da gu rus ko yu biyu’ i to’ogor ni yad ba liyegeg u ga’ngin yang.

Psalms 4:8

Nap’an gu ra thig nga but’, mu rug mol ni gu ba gapas; kemus ni gur, SOMOL, e ga ra aywegeg ni dabi buch ban’en rog.

Psalms 91:5

Ma dabiyag ni ngam tamdag nnep’ nga ban’en ni gomanga ra yib i maad’ad ngom, ara mu ga da’da’ ko cham nike yib ngom ni rran,

Proverbs 1:33

Machane en nra i motoyil ngog e dabi buch ban’en rok. Ra i par nib pagan’ ndariy rogon ni nge rus.”

Proverbs 19:23

Mu fol rok SOMOL ma ga par nib n’uw nap’an e yafos rom, ma ga ba gaman ndariy ban’en nra buch rom.

Proverbs 6:22

Machib rorow e ri i pow’iyem u nap’an ni ga be milekag, ngi i yororiyem nnep’, me fanow nigem ni rran.

Eklesiastes 5:12

Be’ nma maruwel e rayag nib gaman fa de gaman e tin nge kay, machane bfel’ rogon e mol rok nnep’. Ma be’ ni bfel’ rogon e kepag feni yo’or ban’en rok ni dakir mol ni nep’ ko magfan’.

Isaiah 54:14

Ngongol nib yal’uw ma bmat’aw e bayi gel nigem; ma dakuriy e gafgow nge marus ni nge yib ngom.

Jeremiah 31:26

Ma aram e bayi be’ me ga’ar, ‘Gu mol ma kug od nike ba’udan’ug.’

Ezekiel 34:15

I gag e bay ug gafaliy e saf rog, bay gu pir’eg bang ni ngar toffangad riy. I Gag SOMOL ni Th’abi Tolang e kugog e pi thin ney.

Ezekiel 34:25

Bay gu ngongliy reb e m’ag u thilmad ni ir e bayi micheg ngorad ni dabki buch ban’en rorad. Bay gu chuweg ko nam rorad urngin e gamanman nra i maad’ad ngorad, ni fan e nge yag ni par e saf rog u daken e ted ma yad be mol u fithik’ e gerger ni dabki buch ban’en rorad.

Ezekiel 34:27

Ma bay i k’uf e gek’iy, ma be yib e ggan ko woldug, mra be’ ma be par ko girok’ e binaw ndabki buch ban’en rok. Ngiyal’ ni gu ra luf e chen ko girdi’ rog ngar chuwgad u tan pa’ e pi’in ni ka ra tedyad ni sib, ma aram e bay ra nanged ni Gag SOMOL.

Levitikus 26:6

“Bay gu pi’ e gapas ngomed u lan e binaw romed, ma rayag ni ngam molod ndab um rusgad ngak be’. Bay gu chuweg e gamanman ni tacham u lan e binaw romed, ma bayi m’ay e mael u lan e binaw romed.

Acts 12:6

Re neap’ i n’en ni bay ngam’on ko chirofen ni be finey Herod ni nge fek Peter i yib nga p’eowchen e girdi’, ma aram e bay Peter nike mol u thilin l’agruw i girdi’en e matnag; ni l’agruw e chen ni ka nin’ ngak, ma bay e matnag ni yad be matnagiy e garog ko kalbus.