Proverbs 3:20 - Bible Ni Thothup

²⁰ Gonop rok e k’aring e pi lul’ nge yan nlul’ nge manileng ni nge pi’ e n’uw nga fayleng.

Proverbs 3:20 Σταυροειδείς Αναφορές

Genesis 1:9

Me non Got ni ga’ar, “Ran ni bay u tan e palpal th’ib e nge mukun nga ta’bang nge yib i m’ug e binaw” — me yodorom.

Genesis 27:28

I Got e nge pi’ e wa’angachal nu tharmiy ngom, me yong’olnag e milay’ rom, me pi’ ngom e grain nge wayin ni pire’.

Genesis 7:11

Nap’an ni gaman 600 e duw yangren Noah, ko chirofen ni ragag nge medlip fen e pul ko bin l’agruw e pul, ma urngin e alublub ni yib ko ran nu tanebut’ u fithik’ e fayleng e mab nib tomgin, me aw e n’uw ni ba ga’,

Proverbs 8:24

Ni gargel nigeg u m’on ndawori sum e day, ko ngiyal’ ni ba’aram ndariy e pi alublub.

Jeremiah 14:22

Dariy reb fapi liyos ko pi nam nrayag ni nge gagiyegnag nge aw e n’uw; lanelang ni go’ ir rok, e dabyag ni nge gagiyegnag nge aw e n’uw. SOMOL, ni Got romad, ku gu pired ni gur e ke l’agan’mad ngom, ya gur e ga be rin’ e pin’ey.

Joel 2:23

’Mu felfelan’gad e girdi’ nu Zion, mu felfelan’ gad ni bochan e tin ke rin’ SOMOL ni Got romed ngomed. Ke pi’ ngomed e n’uw ni bfel’ urngin ko ngiyal’ ndabisiy ni nge yag ngomed, ni bod ni i rin’, ma ke pu’og e n’uw nga but’ u nap’an e garbeb ni fan ngomed, ma ke pi’ e n’uw u ngal’an e yafang nike tabab e gowel ni bod ni i rin’ ko som’on.

Deuteronomy 33:28

Pi’in owchen Jakob e ma par u fithik’ e gapas, ni dariy ban’en nra buch rorad u lan fare nam nib sug ko grain nge wayin, ni wa’angachal nma mul u lang e ma tarannag e but’ riy.