Proverbs 3:2 - Bible Ni Thothup

² Machib rog e ra pi’ ngom e yafos nib n’uw ma bfel’ rogon.

Proverbs 3:2 Σταυροειδείς Αναφορές

1 Kings 3:14

Fa’anra um fol rog ma ga be tay nga tagil’ e pi motochiyel rog nge pin’en kugog ni ngam rin’ ni bod ni i rin’ e chitamam i David, ma bay gu gagiyeg nigem nge n’uw nap’am.”

BABYOR NI JOB 5:26

Rogon e wheat nma par nge yan i el ko ngiyal’ ni ngan t’ar riy, e aram rogom ni bay mpar ngari mpilibthir.

Psalms 119:165

Pi’in nib t’uf e motochiyel rom rorad e yad bay u lan e yoror ni dabi buch ban’en rorad, ma dariy ban’en nrayag ni nge mulegrad.

Psalms 128:6

Mang e yugum par ngam guy pifak pifakam! Nge par e gapas u daken yu Israel!

Psalms 21:4

Ke ning e yafos ngom, ma kam pi’ ngak, ba yafos nib n’uw ma dabi mus bi’id.

Psalms 91:16

Gu ra tow’ath nagrad ko yafos nib n’uw nap’an, mu gu mat’aw nagrad ngog.”

Proverbs 10:27

Ra um liyor ngak SOMOL, ma ra n’uw nap’am. Pi’in kireb e yad ma yim’ ni dawori taw nga naprad.

Proverbs 16:31

Yafos nib n’uw nap’an e towa’th rok e pi’in nib mat’aw; ma manna’ u lolugenrad e ba te’elyaw nib gamog.

Proverbs 4:10

Fakag, mmotoyil ngog. Ngam fanay e n’en ni gu be yog ngom, me yag nim par nib n’uw nap’am.

Proverbs 4:4

mi i machib nageg e chitmag. I yog ni ga’ar, “Mu tafeniyam ko tin gu be yog ma dariy bi’id ni ngam pagtalin. Mu rin’ e n’en kugog ma ga par ni gabfos.

Proverbs 9:11

Gonop e ra puthuy boch e duw ko yafos rom.

Isaiah 32:17

Ra be’ ma bay i rin’ e tin nib mat’aw, ma aram fan ni bay un par u fithik’ e gapas nge pagan’ ni gubin ngiyal’.

Roma 14:17

Ya gagiyeg rok Got e dariy rogon e abich nge garbod ngay, ya mat’aw, nge gapas, nge felfelan’ nma pi’ fare Kan Nthothup e bay rogon ngay.

Roma 15:13

I Got ni ir e ma pi’ e pagan’ e nge suguymed ko felfelan’ nge gapas u daken e michan’ romed ngak, nge yag ni i ilal e pagan’ romed ngak u gelngin fare Kan Nthothup.

Roma 5:1

Ere chiney e ke mat’aw nagdad Got ngak u daken e michan’ rodad ngak Jesus Kristus, ere ke aw e gapas u thildad Got nike yag u daken e Somol rodad i Jesus Kristus.

Deuteronomy 11:21

Ya nge yag ni mu pired nge pifakmed nib n’uw nap’an u daken fare nam ni micheg SOMOL ni Got romed ni nge pi’ ngak e pi chitamangimed kakrom. Bay mu pired u rom u n’umngin nap’an ni bay e tharmiy ngalang ko fayleng.

Deuteronomy 5:32

“Girdi’ nu Israel, rnopa’med ni ngu’um rin’ed urngin e tin ke tay SOMOL ni Got romed chiylen ngomed. Dab mu paged ta’reb e pi motochiyel rok ndab mu folgad riy.

1 Timothy 4:8

Dowef ni yima gelnag u fithik’ urngin mit e gosgos e bay fan, machane gel ni yima tay ko bin nib be’ech e pangiy nike pi’ Got e ri ba ga’ fan u gubin ban’en, ya ba ga’ fan ko biney e tamilang nge binem e tamilang.