Proverbs 27:18 - Bible Ni Thothup

¹⁸ En ma ayweg bake gek’iy ni fig era kay wom’ngin; ma ba tapigpig nma ayweg e masta rok e yira tayfan.

Proverbs 27:18 Σταυροειδείς Αναφορές

2 Kings 18:31

Dab mu telmed ngak Hezekiah. Emperor nu Assyria e be yog ngomed ni ngam chuwgad u lan e binaw romed ngam pi’ed gimed nga pa’ ni aram e kam weniggad, ya yira pagmed ngam unumed wom’ngin e grape ko grape ni fi’imed, nge wom’ngin e fig ni fi’imed, nge ran u luwed romed

2 Kings 3:11

Me fith Jehoshafat ni Pilung, ni ga’ar, “Mogew, bay ba profet u roy nrayag ni ngad fithed laniyan’ SOMOL u daken?” Me fulweg ba tolang ko fare raba’ i salthaw rok Joram ni Pilung, ni ga’ar, “Bay Elisa nib mo’on ni fak Shafat u roy. I ir e immoy ni tama’ayuw rok Elijah.”

2 Kings 5:25

Me sul nga naun, me fith Elisa ngak ni ga’ar, “Gehazi, uw e ka mub riy?” Me ga’ar Gehazi, “Dawor gub u bang.”

2 Kings 5:27

Ma daraw rok Naaman e bay yib ngom nge pi’in ni owchem ni dariy n’umngin nap’an.” Me chuw Gehazi u p’eowchen Elisa nike daraw, nge yan ni kari wechwech downgin ni bod ra’en e ayis nma mul u lang nga but’.

Ester 6:11

Ma aram me yan Haman i fek fapi madan e pilung nib n’uw nge fare os, me yin’ fapi mad nga daken Mordekai. Me af Mordekai nga daken fare os me yannag Haman i Mordekai u lukngun binaw, ni be tolulnag ko girdi’ e ngiyal’nem ni yow be yan ni be ga’ar: “Amuguyed aray rogon nma girdi’nag pilung e cha’ nike felfelan’ ngak!”

Psalms 123:2

Bod ba tapigpig nma toer ngak e masta rok, bod ba yarif nma toer ngak e re bpin nma pigpig ngak, ere aram rogon ni kayiggu changargad ngom, i gur SOMOL ni Got romad, nge taw ko ngiyal’ nike wurengan’um ngomad.

Exodus 24:13

Me fal’eg Moses rogon, ma ku aram rogon ni rin’ e tapigpig rok i Joshua, miyow yan nga daken e burey rok Got.

Proverbs 17:2

Ba tapigpig nib m’onm’onnan’ e rayag ni nge ga’ lungun rok be’ nib pagel ni der tiyan’ ni fak e masta rok nge yag bang ko gayog rok ngak.

Proverbs 22:29

Mu dag be’ ngog nma rin’ e maruwel ni bfel’, mu gu dag be ngom ni kabfel’ boch ko tin yo’or e girdi’, ma rabung ni nge un ko sabal ko pilung.

Proverbs 27:17

Girdi’ e ma fil ban’en rok be’, ni bod ni wasey e ma uthum e wasey.

Proverbs 27:19

Bod e ran nra dag ya’an owchem ngom, e aram rogon gumircha’em nra dag ya’am ngom.

Tang Ko Pitang 8:12

I Solomon e rib m’ag u wan’ e biyu’ rok e salpiy, ma girdi’en e milay’ e l’agruw mira’ay e birorad e f’oth; Bay bang e milay’ ni grape nri gag e fi’ig!

Isaiah 36:16

Dab mu telmed ngak Hezekiah! Emperor nu Assyria e be yog ngomed ni ngam chuwgad ko re binaw nir ngam pired u tan pa’. Ra pagmed ni ngu’um unmed e grape ko woldug ni grape romed nge wom’ngin e fig ko gek’iy romed, nge ran ko pi luwed romed —

Matthew 24:25

Mu telmed! Ya kug weliy ngomed e ren’ey u m’on ko ngiyal’ ni dawori taw ngay.

Matthew 24:46

Rib ga’ ba felfelan’ nra tay e re tapigpig nem ni fa’anra sul e masta rok nga tabinaw me pir’eg ni ireray e n’en ni be rin’!

Mark 10:43

Machane gimed e gathi ireram e n’en ni ngam rin’ed. Fa’anra ba’adag bigimed ni nge mang ir e ba tolang, ma ir e thangri mang tapigpig romed ni gimed gubin;

Luke 12:37

Ri ra felfelan’ e pi tapigpig nem ni sul e masta rorad me pir’egrad ni yad be od ni kar fal’eged rogorad! Nggog ngomed ni ra chichi’iy e luod rok ni aram e ke fal’eg rogon ni nge pigpig ngorad, me yog ngorad ngar pired nga tebel, me mang ir e i yibnag e ggan ngorad.

Luke 12:42

Me fulweg Somol ni ga’ar, “Ere mini’ e en ni ir fare tapigpig nib yul’yul’ ma ba gonop? I ir e en ni masta rok e tay ni nge milfan urngin ban’en ngak, ma be ayuweg e tabinaw, ma be pi’ ngak e tin ni kabay e tapigpig e tirorad e ggan ko ngiyal’ ni yima pi’ riy.

Luke 19:17

Me ga’ar, ‘Bfel’ e maruwel ni kam tay; i gur reb e tapigpig ni gab fel’! Bochan e kam yul’yul’ ko tin ni ba’achig ban’en, ma aram e nggu tiyem ni ragag e binaw e nge milfan ngom ngu’um gagiyegnag.’

John 12:26

En ni ba’adag ni nge pigpig ngog e thangri un ngog, ya en ni tapigpig rog e bay i par rog ko gin ni gu bay riy. Ya Chitamag e ra tayfan e cha’ nma pigpig ngog.”

Acts 10:7

Ma aram me yan fare engel ni yib i non ngak, me pining Kornelius l’agruw i tapigpig rok nge ba salthaw, ni be’ nma liyor ngak Got u wan’ ni ir bagayad fa pi’in yad ma pigpig ngak Kornelius.

1 Korinth 3:8

Ma ta’reb rogon e en ni yung nge en ni pu’og e ran ngay; ya Got e bayi bagayow me pi’ puluwon u rogon e maruwel ni tay.

1 Korinth 9:13

Ri gimed manang ni pi’in yad ma maruwel u Tempel e yad ma fek garad u Tempel, ma pi’in yad ma pi e pi maligach u daken e altar e yad ma fek e birorad e f’oth ko fapi maligach.

1 Korinth 9:7

Mini’ e cha’ ni ka’a yigi rung’ag murung’agen ba salthaw ni ir e be pi’ puluwon e tin nge yag ngak? Ara be’ ni be woldug nde unum e grape ko grape rok nike yung? Ara be’ ni ir e be gafaliy e saf nde fek e milik ko saf rok nge unum?

Kolose 3:22

Gimed e pi sib, um folgad ko thin rok e pi’in yad e suwrad gimed u gubin ban’en, ma gathi kemus ni ngiyal’ ni yad be guymed e ngu’um rin’ed riy ni bochan e kemus ni ngam fel’gad u wun’rad, machane ngam rin’ed u fithik’ e tafinay nib yul’yul’, ni bochan e gimed be liyor ngak Somol.

2 Timothy 2:6

En nma woldug nib gel e maruwel nike tay e susun e ir e som’on ni nge fek e tin ke yib riy.

1 Peter 2:18

Gimed e pi tapigpig e thingar mu folgad rok e pi masta romed mi gimed tay farad, ni gathi kemus ni pi arorad ni ba gol ma yad ma finey laniyan’ be’, machane ku er rogomed ngak e pi arorad nib kireb e thin rorad ngomed.

1 Peter 2:21

Ireray e ren’en ni ir e ke piningmed Got ngay; ya Kristus e ir e gafgow ni bochmed me dag ngomed rogon ni ngam folwokgad rok, ni aram e ngu’um leked luwan ay.

1 Samuel 2:30

I gag, fare SOMOL ni Got rok piyu Israel, e gu micheg kakrom ni girdi’ nu tabinaw rom nge kerom e girdi’ e bay ur pigpiggad ngog ni prist ni gubin ngiyal’. Ere chiney e gu be yog ni dabki par riy ni aram rogon! Bay gu tay fan e pi’in yad be tay fag, ma bay gu darifannag e pi’in yad bfananikeg.